பா.உ. அஜித் மன்னப்பெறும அவர்களின் நிதி ஒதிக்கீட்டில் நடைபெற்ற ரிபன்வேக் பயிற்சி நெறியும், கண்காட்சியும் (நிழல்படங்கள்)
![](https://blogger.googleusercontent.com/img/b/R29vZ2xl/AVvXsEjZyYe392_QUtZUgdNFRmD13hrenwwTCihiVzlXhOEamqk8-Za7Odbnv-GFSWwj0cKbxcbOvHRnj6gl6pva48zy5KdbHDfkKrYD5jiHKiUR8-jEPXhQ-2yuF3rQT5RjS3IvKPLK-MpaYux2/s1600/14.jpg)
கஹடோவிட வாழ் பெண்களின் சுய திறமையை விருத்தி செய்து சுய தொழிலுக்கான வழிகாட்டல்களை வழங்கும் நோக்கத்தோடு கடந்த 3 மாதங்களாக நடாத்தப்பட்டு வந்த தையல் (Ribbon Work ) பயிற்சி நெறியின் நிறைவாக தமது ஆக்கங்களைக் கொண்டு ஒரு கண்காட்சி 02.02.2014 அன்று ஏற்பாடு செய்யப்பட்டிருந்தது.
![](https://blogger.googleusercontent.com/img/b/R29vZ2xl/AVvXsEjrGPMVGYm6zuyf7U7nWRK6RZCxueSpXf9guSopPPv3Rkv41P1MsNLTJim46WUHx20dMzWuKpEZhgAyGILi1fnQWBgxFkH6E2L5r_zWxR_5Y8_6p1cZNEzSd1V5YO7Hff9ctFd8GfkoEf8w/s1600/15.jpg)
கஹடோவிட மாதர் சங்கத்தினால் ஏற்பாடு செய்யப்பட்டிருந்த இப் பயிற்சி நெறியின் வகுப்புக்கள் கஹடோவிட பாலிகா மகளிர் வித்தியாலயத்தில் நடைபெற்று வந்தது. பயிற்சிநெறியின் இறுதியில் நடாத்தப்படவிருந்த கண்காட்சியும் பாலிகா மகளிர் வித்தியாலயத்தில் நடைபெற ஏற்பாடு செய்யப்பட்டிருந்த போதும், அரசியல் தலையீடுகாரணமாக இக்கண்காட்சி இறுதிநேரத்தில் இடம் மாற்றப்பட்டு சகோதரர் பஸ்லி நானா அவர்களின் இல்லத்தில் நடைபெற்றது.
பயிற்சி நெறியில் பங்குபற்றிய பலரின் ஆக்கங்கள் இதில் காட்சிக்கு வைக்கப்பட்டிருந்தமை குறிப்பிடத்தக்கது. ஐக்கிய தேசிய கட்சியின் பாராளுமன்ற உறுப்பினர் அஜித் மன்னப்பெரும (Hon. Ajith Mannapperuma) அவர்கள் இப்பயிற்சி நெறிக்கான நிதியை ஒதுக்கியமை மாத்திரம் அல்லாமல் கண்காட்சியை பார்வையிடுவதற்காகவும் வருகை தந்திருந்தார் என்பது இங்கு குறிப்பிடத்தக்கது.
RE
0 comments:
Post a Comment