கஹடோவிட

திஹாரிய யூத் கலந்துகொண்ட பிரீமியர் லீக் உதைபந்தாட்ட அரையிறுதிப் போட்டி இன்று மன்னார் விளையாட்டரங்கில் நடைபெற்றது. இப்போட்டியில் திஹாரிய யூத் விளையாட்டுக்கழகம் 4 - 2 என்ற கோல்கள் வித்தியாசத்தில் மன்னார் St.Luicios விளையட்டுக்கழகத்தை வெற்றிகொண்டது.
இன்றைய போட்டி ஆரம்பித்ததிலிருந்து மிகவும் விறு விறுப்பாக நடைபெற்றது. குறித்த கால எல்லை முடிவடையும் தருவாயில் இரு அணிகளும் 1 கோல்கள் வீதம் பெற்றிருந்ததால் . வெற்றியை தீர்மானிக்க பெனால்டி சுற்று இரு அணிகளுக்கும் வழங்கப்பட்டது. இந்த வாய்ப்பை சாதகமாகப் பயன்படுத்திக்கொண்ட திஹாரிய யூத் தனக்கு வழங்கப்பட்ட பெனால்டி சுற்றில் 3 கோல்களை பெற்றுக்கொண்டது. மன்னார் St.Luicios அணிக்கு ஒரு கோல் மாத்திரமே பெறமுடிந்தது.

இன்றைய போட்டியில் வெற்றியீற்றியதையடுத்து திஹாரிய யூத் பிரீமியர் லீக் உதைபந்தாட்ட இறுதிப்போட்டிக்குள் நுழையும் வாய்ப்பை பெற்றுக்கொண்டது.