கஹடோவிட

அண்மைக்காலமாக ஊரிலுள்ள பொதுத்தாபனங்கள் புனர்நிர்மானம் செய்யப்பட்டுவதை நாமனைவரும் அறிவோம். தேவைகளுக்கேட்ப இது போன்ற மீள்கட்டுமானப் பணிகள் அவசியப்படுகின்றமையை மறுக்கமுடியாது.

நிருவனங்கள், அரச உதவிகள்,  பொது மக்களின் உதவிகளால் இவ்வாறான பொதுப்பணிகள் முன்னெடுக்கப்படுகின்றன. பொதுப்பணிகளில் அனைவரும் ஒத்துழைக்கும் போது சிறந்த அடைவுகளை எட்ட முடியும் என்பதற்கு நமது கிராமத்தின் பிரதான பாதை விஸ்தரிப்பு நடவடிக்கைகள்  நல்ல எடுத்துக்காட்டாகும்.

கஹட்டோவிட்ட மக்களின் கூட்டு முயற்சியின் இன்னொரு வெற்றியாக மவ்லான மாவத்தையிலுள்ள தாய் சேய் நிலையத்தைக் குறிப்பிடலாம். நமது கலாசாரம்,  பண்பாட்டைக் கருத்தில் கொண்டு எமது தாய்மார்களின் கண்ணியம் பேணப்பட வேண்டும் எனும் நோக்கில்தான் இந்நிலையம் நமது பிராந்தியத்தில் உருவாக்கப்பட்டது. காலவோட்டத்திற்கேட்ப இந்நிலையத்தை மிக அசவரமாகப் புனர்நிருமானம் செய்ய வேண்டிய தேவை தற்போது ஏற்பட்டுள்ளது.  அத்தியாவசியக் கட்டமைப்புடன் அவசியமாகியுள்ள இன்ன பிற தேவைகள்,  துரித கதியில் நிறை வேற்றப்படாது போனால் காலப்போக்கில் இந்நிலையம் வேறிடங்களுக்கு மாற்றப்பட அதிக வாய்ப்புக்களுள்ளன.  முக்கிய சேவைகளின் பற்றாக்குறை காரணமாக நமது தாய்மார்கள் வெளியிடங்களுக்குச் சென்று பல அவலங்கள்,  அசௌகரியங்களுக்குள்ளாவதாக தற்போது அறியக்கிடைக்கின்றது.

ஆகவே நமது கிராமத்தின் தாய் சேய் நிலையத்தைப் புனர்நிர்மானம் செய்ய வேண்டிய பொறுப்பு நம்மனைவர் மீதும் சுமத்தப்பட்டுள்ளது என்பதை உங்கள் மன்றில் முன்வைக்கின்றோம்.