கஹடோவிட

- உண்ண வசதியிருந்தும் உண்ணவில்லை.


- காலையில் எழுந்து டீ / காஃபி குடித்தால் தான் அன்றைய வேலையே ஓடும் என்ற

பழக்கமிருந்தும் குடிக்கவில்லை.

- புகை பிடித்தால்தான் சிந்தனை செயலாற்றும் என்ற நிலையிருந்தும் புகை

பிடிக்கவில்லை.
இவருக்குத்தான் இனிய பெருநாள்...!

- அலட்சியப் போக்கை அழித்து

- பகலில் பட்டினி கிடந்து

- இரவில் இறை வழிபாட்டில் ஈடுபட்டு

- பசி, தாகத்தால் இச்சையை வென்று

- இறை கடமைகளை நிறைவேற்றி

- தானத்தால் ஏழைகளின் கண்களை திறந்த
உண்மை முஸ்லிமுக்குத்தான் பெருநாள்...!
- வறியவர்களின் தேவைகளை கவனித்து

- பட்டினியையும், பசியையும் அடக்கி,

- நோன்பினால் ஈமானை பலப்படுத்தி

- ஆன்மிக பலத்தை நிலை நாட்டி

- ஒரு மாத கடுஞ்சோதனையை வென்று

- இறைவனுக்காக நோன்பிருந்த

- இறைமறையை ஓதி உணர்ந்த

- இறைகடமைகளை நிறைவு செய்த
உண்மை முஃமினுக்குத்தான் உன்னத பெருநாள்...
- ஏழைவரி(ஜகாத்)யை முறையாக அளித்து

- கருமித்தனத்தை அடியோடு ஒழித்து

- சிறியவர்களை போற்றி - பாராட்டி

- பெரியவர்களை மதித்து நடந்து

- அறிஞர்களுடன் பண்புடன் நடந்து

- செய்த பாவங்களுக்காக மன்னிப்பு கேட்டு

- இனி பாவமே செய்யமாட்டேன்

- என்ற உறுதி கொண்ட
உண்மை விசுவாசிக்குத்தான் உரிய பெருநாள்!
- எனது தொழுகை அல்லாஹ்வுக்கே!

- எனது தியாகச் செயல் அல்லாஹ்வுக்கே!

- எனது பொதுப்பணி அல்லாஹ்வுக்கே!

- எனது வாழ்வு அல்லாஹ்வுக்கே!

- எனது மரணம் அல்லாஹ்வுக்கே!

- என்று சத்தியப் பிரமாணம் எடுத்த
உண்மையளர்களுக்குத்தான் உண்மைப் பெருநாள்...!


பரங்கிப்பேட்டை மவ்லவீ அஃப்ழலுல் உலமா


அ.பா. கலீல் அஹ்மத் பாகவீ M.A (அரபிக்)., M.A (தத்துவமும் சமயமும்).,