முஸ்லிம் சமயப் பண்பாட்டு அலுவல்கள் திணைக்களப் பணிப்பாளர் இடமாற்றம்
முஸ்லிம் சமயப் பண்பாட்டு அலுவல்கள் திணைக்களப் பணிப்பாளர் அஷ்ஷெய்க் வை.எல்.எம். நவவி (நளீமி) மத விவகார அமைச்சுக்கு மாற்றப்பட்டுள்ளதாக தெரிவிக்கப்படுகின்றது.
ஹஜ் விவகாரங்களின்போது அமைச்சர் பௌஸி மற்றும் பிரதி அமைச்சர் காதர் (ஹாஜியார்) இற்கும் இடையில் ஏற்பட்ட முறுகல்களினால் முஸ்லிம் சமய கலாசார திணைக்களமும் அதன் பணிப்பாளரும் பல பிரச்சினைகளை எதிர்நோக்குவதாக செய்திகள் தெரிவிக்கின்றன.
ஹஜ் பயணம் மேற்கொள்வோர் ஒரு வருடத்திற்கு முன்னரே முஸ்லிம் சமய கலாசார திணைக்களத்தில் பதிவு செய்ய வேண்டும். ஒரு முறை ஹஜ்ஜுக்குச் சென்றவர்கள் மீண்டும் ஹஜ் கடமையை நிறைவேற்றுவதற்குப் பதிலாக புதியவர்களுக்கு சந்தர்ப்பம் வழங்க வேண்டும் என்ற விடயங்களை இப்பணிப்பாளர் மேற்கொண்டுள்ளார்.
இவைகளை மறுப்பதுடன், தங்களுக்கு சில ஹஜ் வீசாக்களை வழங்க வேண்டும் என குறித்த அரசியல்வாதிகள் கோரியுள்ளனர். அதனை பணிப்பாளர் மறுத்துள்ளதுடன், புதிதாக ஹஜ்ஜுக்குச் செல்வோருக்கு முன்னுரிமை வழங்கியுள்ளதாக தெரிவிக்கப்படுகின்றது. இவ்வாறான சில சிறந்த செயற்பாடுகளை மேற்கொண்டதால் இவர் இடமாற்றம் செய்யப்பட்டுள்ளதாக அறிய முடிகின்றது.-
0 comments:
Post a Comment