கஹடோவிட

07.08.2010 அன்று அல்பத்ரியாவில் இடம்பெற்ற இச்சம்மேளனத்தின் அங்குரார்பனக் கூட்டம் சிறப்பாக நடைபெற்றதை நாம் ஏளவே உங்களுக்கு அறியத்தந்திருந்தோம். அந்தக் கூட்டத்தின் சபையோர் கருத்துப் பரிமாற்றத்தின் போது ஒரு பிரதர் இந்த முயற்ச்சியைப் பாராட்டிப்பேசியதோடு இந்த சம்மேளனத்திடம் சிகரட் சம்பந்தமாக ஒரு வேளைத்திட்டத்தையும் சுட்டிக்காட்டிச்  சென்றார். எமது பள்ளி வாசல் சம்மேளனமும் இதனை முன்னுதாரணமாகக் கொண்டு இவ்வாறான ஒரு வேளைத்திட்டத்தில் களமிறங்குவார்களா என்று பொருத்திருந்து பார்ப்போம்.

அங்குரார்பனக் கூட்டம்

மீவளையைச் சேர்ந்த M.I. உம்மு ஸவ்தா காலமானார்.இன்னாலில்லாஹி வஇன்னாஇலைஹி ராஜிஊன்.

அன்னார், ஸபீகுல் பாயிஸ் அவர்களின் மனைவியும், உம்மு ஸஹ்ரா, அப்துல் நஸார், உம்மு சகீலா, முஹம்மத் நளீர் ஆகியோரின் தாயாரும் தாஸிம் அய்னதுஸ்ஸஹ்ரா,ஹம்ஸதுல் இனாயா, ஆகியோரின் சகோதரியும், முஹம்மத் நவ்பர் ஆகியோரின் மாமியும் ஆவார்.

ஜனாஸா நல்லடக்கம் இன்று(2010.08.19) மாலை 3.00மணிக்கு கஹடோவிட ஹொஹீத் பள்ளி மையவாடியில் நல்லடக்கம் செய்யப்படும்.

அல் ஹஸனாத்தில் வெளிவந்த கவிதையிலிருந்து சில பகுதிகள்.


*தீமைகளின் கிளையுதிர் காலம்*

அதோ...நோன்பு வருகிறது என் கல்பு நோக்கி கலிமா வருகிறது

மண்ணிலோ மண்ணுக்கு அடியிலோ அடுத்த ஆண்டிற்கான பயிற்சி பாசறை‍ வருகிறது.

ஓ...ரமலான் நீ எங்கள் இரத்தத்தை இனிப்பாக்க வருகிறாய் எங்கள் ஆன்மாவின்

அழுக்கெடுக்க வருகிறாய்...

வா...அருகில் வா,

இனி எங்கள் வீட்டுத் தீமைகள் நெருப்பின் வாடை நுகரும்..

இனி என் தொழுகையின் அறுந்து போன ஆத்மிக நரம்புகள் உயிர் கொள்ளும்..

நடு இரவில் வியர்வையோடு விழிக்கிறேன் ஓ..ரமலான் வருகிறது. என் இதயத்தையும்

வீட்டுக் கதவையும் நட்சத்திரங்களையும் அலங்கரிக்கின்றேன்.

நாளைய ஸஹருக்கு தயாராகின்றேன். தக்வா குத்பா ஓதுகின்றது, தாகமும் பசியும்

யாருக்கு வேண்டும்?

நெற்றிகள் ஸூஜூதில்‍‍‍_கிடக்குமே கால்கள் கண்ணீரில் தேர் விடுமே, கொஞ்சக்கூடிய

பிஞ்சுக் கால்களும் தராவீஹில் வீங்குமே

இடக்கை அறியாமல் ‍_ சிலரின் வலக்கையில் இதயங்கள் முளைக்குமே _அவை நோன்பு கால உயிரோவியங்கள்

நோன்பு ஒன்றும் காலையில் தூங்கி மாலையில் எழுந்து ஈத்தம் பழம் கடிக்கும் சம்பிரதாயமல்ல.

நோன்பு – மரம், இந்த மரம் மனிதனுக்கு தண்ணீர் ஊற்றும்

நோன்பு - குழந்தை இந்தக் குழந்தை தாய்க்கும் பாலூட்டும்

நோன்பு -சுவனத்து வாகனம் இது மனிதனின் இதயத்திற்கும் பெட்ரோல் ஊற்றும் திரும்பிப் பாருங்கள் வரலாற்றுப் பார்வையில் நோன்பு சாதனை

இஸ்லாத்தின் ஜீவ மரண போராட்டம் ‍_ பத்ர் நோன்பு 17ல் தான் முன்னூற்றுப் பதினேழு முஹம்மத்கள், ஆயிரம் அபூஜஹ்ல்களின் கதை முடிந்தது.

"மரிக்கார்" அல் ஹஸனாத் ஆகஸ்ட் 2009, ரமலான் 1430

நேற்றைய தினம் தராவீஹ் தொழுகையைத் தொடர்ந்து மௌலவி ஹஸன் பாரிஸ் அவர்களினால் கஹடோவிட தௌஹீத் பள்ளியில் ஆற்றப்பட்ட உரை

நன்றி http://www.abuhafee.blogspot.com/

வருடா வருடம் எம்மைத் தரிசித்துச் செல்லும் விருந்தாளியே ரமழான் ஆகும். அது இவ்வருடமும் எம்மைத் தரிசித்துள்ளது. இம்மாதம் ஏனைய மாதங்களைப் போன்று சாதாரணமாக எம்மைக் கடந்து செல்ல முடியாது. அதற்கு நாம் அனுமதிக்கவும் கூடாது. இது நன்மைக்குரிய மாதம், அருளுக்குரிய மாதம், இறைத்திருப்திக்கான மாதம், கண்ணியமான மாதம், சங்கைக்குரய மாதம், தௌபாவின் மாதம், அல்லாஹ்வை நெருங்குவதற்கான மாதம், நோன்பின் மாதம், இரவுத் தொழுகையின் மாதம், வணக்கத்தின் மாதம், அல்குர்ஆனின் மாதம், பாவமன்னிப்பின் மாதமுமாகும். இதற்குச் சிறப்பே இதில் அல்குர்ஆன் இறங்கியதனாலே ஆகும். “ரமழான் மாதம் எத்தகையதெனில் மக்களுக்கு நேர்வழிகாட்டியாக சத்தியத்தையும் அசத்தியத்தையும் பிரித்துத் தெளிவுபடுத்தக்கூடியதுமான அல்குர்ஆன் இதில்தான் இறக்கியருளப்பட்டது. எனவே, உங்களில் யார் அதையடைகின்றாரோ அவர் நோன்பு நோற்கட்டும்”


(அல்பகரா-185)



நபியவர்கள் இம்மாதத்தில் 03 சந்தர்ப்பங்களை எமக்கு அறிமுகப்படுத்தியுள்ளார்கள்.

1। “யார் ரமழானில் ஈமானோடும் கூலியை எதிர்பார்த்தும் நோன்பு நோற்கின்றாரோ அவரது முன்சென்ற பாவங்கள் மன்னிக்கப்படும்”

2. “யார் ரமழானில் ஈமானோடும் கூலியை எதிர்பார்த்தும் நின்று வணங்குகின்றாரோ அவரது முன்சென்ற பாவங்கள் மன்னிக்கப்படும்”

3. “யார் லைலதுல் கத்ர் இரவில் ஈமானோடும் கூலியை எதிர்பார்த்தும் நோன்பு நோற்கின்றாரோ அவரது முன்சென்ற பாவங்கள் மன்னிக்கப்படும்”



இம்மாதத்தை அடைந்த ஒருவன் தான் சந்திக்கும் இறுதி ரமழானாக இதை நோக்கி வணக்கங்களை அதிகரிக்க வேண்டும். இம்மாதத்தில் அல்லாஹ் ஒரு செயலுக்குரிய கூலியை பண்மடங்ககாக்கி அதை 700 மடங்காக்கித் தருவதற்குத் தயாராக உள்ளான். தினமும் தன் அடியார்களை நரகவிடுதலை செய்கின்றான். நன்மைகளை அள்ளிக் கொடுக்கின்றான், நன்மை செய்யும் உள்ளத்தை ஊக்கப்படுத்துகின்றான். தீமை செய்யும் உள்ளத்தை கண்டிக்கின்றான். இத்தனை சிறப்புக்களைக் கொண்ட இம்மாதத்தில் நாம் இறை மன்னிப்பைப் பெறாவிட்டால் நரகில் இருந்து விடுதலை பெறாவிட்டால் நிச்சயமாக எம்மை விடவும் பாக்கியம் கெட்டவர்கள் வேறு யாராவும் இருக்க முடியாது. சுவனத்தின் கதவு திறக்கப்பட்டு நரகின் வாயில்கள் மூடப்பட்டு ஷைத்தான்கள் விலங்கிடப்பட்டு நன்மைகளை மாத்திரம் செய்வதற்கான சூழல் ஏற்படுத்தித் தரப்பட்டிருக்கும் போது நாம் இம்மாதத்தை இலகுவாகக் கருதவே முடியாது. ரமழானில் நாம் பெறும் பயிற்சி எமது முழுவாழ்விலும் பயனளிக்க வேண்டும். ரமழானில் வணங்கும் சமூகமாகவன்றி ரப்பை வணங்கும் சமூகமாக மாறவேண்டும். வேலைகளைக் குறைத்து, வணக்கங்களை அதிகரித்து, நோன்பு நோற்று, இரவு வணக்கம் புரிந்து, அல்குர்ஆனோடு நெருங்கி உறவாடி அதனை ஓதி சிந்தித்து நடைமுறைப்படுத்தி பிறருக்கு எடுத்துச் சொல்லி இறைவனைச் சார்ந்த சமூகமாக மாற முயற்சிப்போம். நோன்பும் அல்குர்ஆனும் மறுமையில் சிபாரிசு செய்யும் கூட்டத்தில் அங்கத்துவம் பெறுவோம். அநியாயங்களிலிருந்து ஒதிங்கிக்கொள்வோம். மன்னிக்கும் உணர்வை ஏற்படுத்திக் கொள்வோம். எமக்கும் இறைவனுக்கும் இடையில் உள்ள உறவை வலுப்படுத்திக் கொள்வோம். உண்மையான இறையச்சவான்களாக மாறுவதற்கும் இம்மாதத்தை முழுமையாகவும் யாதார்த்தமாகவும் ஆன்மீகரீதியாகவும் வணக்கங்களால் அலங்கரிப்பதற்குரிய வாய்ப்பை வல்ல ரஹ்மான் நம் அனைவருக்கும் ஏற்படுத்தித் தருவானாக!

இன்று 11.08.2010 புதன்கிழமை உலகின் பல இடங்களிலும் நேற்றிரவு ரமழான் மாதத்திற்குரிய தலைப்பிறை தென்பட்டதானால் நோன்பு நோற்றுள்ளனா்.இது சம்பந்தமான சரியான தகவலிற்கு  http://www.moonsighting.com) என்ற இணையத் தளத்தினை பார்க்கவும். எமதூரிலும் வழமைபோன்று பிறையைக் கணக்கிட்டு நோன்பு நோற்கும் குழுவினர் தமது முதல் நோன்பை ஆரம்பித்துள்ளனர். எனினும் இலங்கை நாட்டைப் பொருத்தவரை பிறையைத் தீர்மாணிக்கும் அதிகாரம் ஜம்இய்யதுல் உலமாவிற்கே உரியதால் ஜம்இய்யதுல் உலமாவின் தீர்மானத்திற்கு ஏற்ப இன்றிரவு அல்லது நாளையே பெரும்பான்மையானவர்கள் நோன்பு நோற்பர் என அறிவிக்கப்பட்டுள்ளது. அல்லாஹ் இப்புனித றமாழானை சிறந்த முறையில் கழிக்க எமக்குத் தௌபீக் செய்வானாக!

கடுமையான காய்ச்சலைக் குணப்படுத்த உதவும் பப்பாளி இலை கஷாயம் இதய நோயாளிகளுக்கும் நல்லது. முக்கியமாக அடிக்கடி இதயத் துடிப்பு அதிகரிப்பதால் அவதிப்படும் நோயாளிகளுக்கு பப்பாளி இலை கஷாயம் சிறந்த பலனளிக்கும்.

பப்பாளி இலை கஷாயம் நோயாளியை அமைதிப்படுத்தி, இதயத்துடிப்பைக் குறைத்து நிவாரணம் அளிக்கிறது. இதய நோயாளிகளுக்கு நன்றாக முற்றி பழுத்த பப்பாளிப் பழம் மிகச் சிறந்த உணவாகும்.

பப்பாளிப் பழம் ரத்தத்தில் கொலஸ்டிராலின் அளவைக் குறைத்து, ரத்தக் குழாய்களை நெகிழக் கூடியவையாக ஆக்குவதால், இதய நோயாளிகள் பப்பாளிப் பழத்தைத் தவறாமல் கண்டிப்பாக அவர்களுடைய உணவில் சேர்த்துக் கொள்வது நல்லது.

காலை உணவாக பப்பாளிப் பழத்தை மட்டுமே சாப்பிடலாம். மாலையில் தேநீர் வேளையிலும் பப்பாளிப் பழம் சாப்பிடலாம். ஆனால் இரவில் பப்பாளிப் பழம் சாப்பிடக் கூடாது.

தயாரிப்பது எப்படி?

நிழலில் உலர்த்தப்பட்ட பப்பாளி இலையில் சுமார் 5 கிராம் முதல் 10 கிராம் வரை எடுத்துக் கொள்ளவும். அதை ஒரு கோப்பை வெந்நீரில் போட்டு 5 நிமிடங்களுக்கு நன்றாக ஊற விடவும். பின்னர் வடிகட்டி அந்த கஷாயத்தை நோயாளிகளுக்குக் குடிக்க கொடுக்கவும்.

இந்த சிகிச்சையினால் நோயாளியின் உடல் வெப்ப நிலை தணியும். நாடித் துடிப்பின் வேகமும் குறையும்.

ஒழுக்கத்தை புறக்கணித்து விட்டு கல்வி பெற முனைந்ததனாலே உலகம் இன்று சமாதனத்தை தொலைத்துள்ளது. ஒழுக்கமும் கல்வியும் எமது இரு கண்களைப்போன்றது என கலாநிதி நபீஸ் நளீமி தெரிவித்தார்.


கஹடோவிட ஓகடபொல பபள்ளிவாசல் சம்மேளனத்தின் அங்குராப்பணக் கூட்டம் நேற்று அல்பத்ரியா ம.வி நடைபெற்றது. இதில் கலந்து கொண்டு கருத்து தெரிவிக்கையிலேயே அவர் இவ்வாறு குறிப்பிட்டார். முஸ்லிம் உலகு இன்று கல்வியிலே பின்தள்ளப்பட்ட நிலையில் காணப்படுகின்றது. அமேரிக்காவிலுள்ள பல்கலைக்கழகங்களின் எண்ணிக்கையை விட மிகவும் குறைந்ததாகவே முழு முஸ்லிம் உலகிலும் உள்ள பல்கலைக்கழகங்கள் காணப்படுகின்றன.

கல்வி இன்று பொருளதாப் பண்டமாக மாறியுள்ளது. சில முஸ்ஸிம் நாடுகளில் தரமான பல்கலைக்கழகங்கள் இருக்கின்றன. இருந்தும் முஸ்லிம்கள் தமது உயர்படிப்புக்காக ஐரோப்பிய பல்கலைக் கழகங்களையே நாடுகின்றனர். இதன்மூலம் அந்தநாடுகளில் பெரும்தொகையான பணத்தை முதலீடு செய்கின்றனர். அந்தப்பல்கலைக் கழகங்கள் வழங்கும் கல்வியில் ஒழுக்கம் ஒதுக்கப்பட்டுள்ளது, இப்பல்கலைக் கழகங்களால் உருவாக்கப்படும் புத்திஜீவிகளால் உலக அமைதிக்கு இன்றும் தீர்வுகான முடியாமல் இருப்பது இதற்கான சிறந்த உதாரணமாகும் எனவும் அவர்மேலும் தெரிவித்தார்.

தொடர்ந்து சம்மேளன உருப்பினர் அல்ஹாஜ் ஜவுஸி அவர்களினால் சம்மேளனத்தின் உருவாக்கம், அதன் எதிர்கால நடவடிக்கைகள் எவ்வாறு அமையப்போகின்றன என்பவற்றை தமிழ், சிங்களம் ஆகிய இருமொழிகளிலும் சிறப்பாக விவரித்தார். பின்னர் இக்கூட்டத்தை சிறப்பிக்க வந்திருந்த நிட்டம்புவ, வீரங்கொல்ல போலிஸ் அதிகாரிகளின் உரை இடப்பெற்றன. இந்த முயற்சியைப் பாரட்டிப்பேசிய அதிகாரி ஓருவர் ஏன் சமூகமளித்த மக்களின் தொகை மிககுறைவாக இருப்பதைச் சுட்டிக்காட்டத் தவரவில்லை. குறிப்பாக வீரங்கொல்லையில் இருந்து வந்திருந்த பொலிஸ் அதிகாரி அவரது உரையை அவர் மிகவும் இஸ்லாத்துக்கு பரீட்சயமானவரைப் போன்று எமது வரலாரையும் குர்ஆனையும் தொட்டுப் பேசியதை வருகை தந்திருந்த ஊர்மக்கள் மிகவும் ஆர்வத்துடன் கேட்டுக்கொண்டிருந்ததை அவதானிக்க்கூடியதாக இருந்தது.

அதனைத்தோடர்ந்து எமது ஊரைப்பிரப்பிடமாகவும், ஆரப்பக்கல்வியை எமது பாடசாலையில் பயின்று இப்போது கம்பஹா மாவட்ட தேர்தல் ஆணையாளராக கடமையாற்றிக்கொண்டிருக்கின்ற மொஹமட் (நளீமி) அவர்களின் உரை இடப்பெற்றது. அவர் எமது ஊரின் ஆரம்பகால நிலமைகளையும் இப்பொழுது எமது மக்களிடையேயுள்ள மார்க்கரீதியான பிளவுகளையும் சுட்டிக்காட்டிய அதேவேளை மார்க்கரீதியான ஓருசில விடயங்களுக்காக பள்ளிவாசல்களின் பிரிவுகளையும் நியாயப்படித்தியதோடு  இந்தபிரிவுகள் எமது மாணவர்களை ஒழுக்கவீழ்சியில் தடம்புரல வழியமைக்கக் கூடாது. முக்கியமாக இவ்வாறான விடயங்களில் மாத்திரமாவது ஒன்றினைந்து “வேற்றுமையில் ஒற்றுமைகான்போம்” என்றகருத்துப்படபேசினார்.

பள்ளிவாசல் சம்மேளனம் மக்களின் எதிர்பார்பை மனக்கோட்டையாக்கிட கூடாது!
எமது ஊரின் ஒழுக்கமும் கல்விமேம்பாடும் வெரும் பேச்சுப்பொருளாக காணப்படுகின்றன. எமது சமூகத்தின் உறுப்புக்களை ஒன்றுசேர்பது தவளை நிறுக்கும் கதை என்று கூறப்படுகின்றது.

ஆனால், எமது பள்ளிவாசல் சம்மேளனம் அதனைப் பொய்ப்படுத்தும் முயற்சியில் இறங்கியுள்ளமை வரவேற்கத்தக்கது. இருப்பினும் ஒழுக்கம், கல்விமேம்பாடு ஆகிய இரு கருப்பொருள்களை மையாமாகவைத்து உருவாகிய இச்சம்மேளனம் அதனை வெறும் பேச்சிலேயே இன்னும் இழுத்தடித்து வருகின்றது. இத்தனை மாதங்களாகியும் எந்தச் செயற்பாட்டையும் காணவில்லை.

நேற்று அல்பத்ரியாவில் இடம்பெற்ற இச்சம்மேலனத்தின் அங்குரார்பனக் கூட்டத்திலும் பேச்சைத் தவிரவேறு எந்த செயற்பாடுகளும் காணப்படவில்லை. இக்கூட்டத்தில் சம்மேலனத்தின் திட்டங்கள், மற்றும் அதன் செயற்பாடுகள் என்பவற்றை தெழிவுபடுத்தி மக்களிடம் அதற்கான ஒத்துழைப்பை எதிர்பார்ப்பார்கள் என்றுதான் மக்கள் எதிர்பார்த்தார்கள். ஆனால், யாப்பு இன்றும் எழுத்தில் இருப்பாதாக கூறப்பட்டது. அப்படியானால் நேற்றைய கூட்டம் எதற்கு என்ற கேள்வியும் மக்களிடம் எழுந்துள்ளது?

அனைத்துப் பள்ளிவாசல்களும் ஒன்று சேர்ந்தமையை சகல மக்களும் உள்ளுர வரவேற்கின்றனர். இதில் சந்தேகமில்லை. இந்த வரவேற்பு குறித்தேபசி நேரத்தைக் கழிப்பதில் எவ்வித அர்த்தமும் இல்லை. நேற்றைய கூட்டத்தில் ஒரு பொதுமகன் பாடசாலைக்கு அருகாமையில் நடக்கின்ற குற்றச்செயலைக் கூறி கவலைப்பட்டார். இச்சம்மேளனம் எதனையாவது செய்யும் என்ற எதிர்பார்ப்புதான் அந்த பொதுமகனின் கருத்துக்கு அர்த்தமாக கானப்பட்டது. தொடர்ந்தும் இச்சம்மேளனம் பேச்சிலேயே காலத்தை இழுத்தடித்தால் இச்சம்மேளனத்தின் மீது வைத்துள்ள மக்களின் எதிர்பார்ப்பும் மன்கோட்டையாகிவிடும் என்பது ஊர் மக்களின் கருத்தது.