கஹடோவிட

கஹடோவிடவைச் சேர்ந்த A.L.M. ஹஸன் காலமானார். அன்னார் காலஞ்சென்ற பாத்திமாவின் கணவரும் காலஞ்சென்ற ரசாத்தின் சகோதரரும் பாயிஸ், பெரோஸ், ஸஹீல் மௌலவி, நஸீரா, பரீதா, சனீரா, முனவ்வரா ஆகியோரின் தந்தையும் ஆவார். அன்னாரின் ஜனாஸா இன்று (2010.06.30) இரவு 7.00 மணியளவில் மஸ்ஜிதுன்னூர் ஜூம்ஆப்பள்ளி மையவாடியில் நல்லடக்கம் செய்யப்படும்.

நன்றி http://www.kahatovita.tk/

தென்ஆப்ரிக்காவில் நடைபெற்று வரும் உலகக் கோப்பை கால்பந்து போட்டியில் காலிறுதிக்கு முந்தைய நாக்-அவுட் சுற்றுகள் நேற்றுடன் முடிவடைந்தன. நேற்று இரண்டு நாக் அவுட் போட்டிகள் நடைபெற்றன.

இரவு 7.30 மணிக்குத் தொடங்கிய போட்டியில் ஜப்பான் - பராகுவே அணிகள் மோதின. ஆட்ட நேரமான 90 நிமிடங்களில் இருஅணிகளுமே கோல் எதுவும் போடவில்லை. அதனால் கூடுதல் நேரம் தரப்பட்டது. அதிலும் இரு அணிகளும் கோல் எதுவும் போடவில்லை என்பதால் 'பெனால்டிக் கிக்' தரப்பட்டது. இதில் ஜப்பான் வீரர் ஒருவர் கோல் அடிக்கத் தவறியதால் பராகுவே 5-3 என்ற கோல்கணக்கில் வெற்றி பெற்றது.

நள்ளிரவு நடைபெற்ற ஸ்பெயின் - போர்ச்சுகல் இடையேயான போட்டியில் ஸ்பெயின் அணி 1-0 என்ற கோல்கணக்கில் வெற்றி பெற்று காலிறுதிக்கு தகுதி பெற்றது. இத்துடன் நாக்-அவுட் சுற்றுகள் முடிவுக்கு வந்தன.

இன்றும் நாளையும் ஓய்வு நாட்கள் என்பதால், நாளை மறுதினம் ஜூலை 2 ஆம் தேதி காலிறுதிப் போட்டிகள் தொடங்குகின்றன.


காலிறுதியில் மோதும் அணிகளின் விவரம் வருமாறு

பிரேசில் - நெதர்லாந்து

அர்ஜெண்டினா - ஜெர்மனி

உருகுவே - கானா

பராகுவே - ஸ்பெயின் - ஆகிய அணிகள் மோதுகின்றன.


காலிறுதிக்குள் நுழைந்துள்ள அணிகளில் நான்கு நாடுகள் தென் அமெரிக்கா கண்டத்தைச் சேர்ந்தவை. 3 அணிகள் ஐரோப்பாவைச் சேர்ந்தவை. ஆப்ரிக்கா கண்டத்தில் இருந்து கானா மட்டுமே காலிறுதிக்குள் நுழைந்துள்ளது. பராகுவே அணியிடம் ஜப்பான் அணி நேற்று வீழ்ந்தால் ஆசியா கண்டத்தில் இருந்தும் எந்த அணியும் காலிறுதிக்குள் நுழையவில்லை.

-சிவாஜி டிவி

இந்தியாவைச் சேர்ந்த மருத்துவர் ஒருவரின் 6 வயது மகளை தீவிரவாதிகள் பட்டியலில் சேர்த்துள்ளது அமெரிக்கா. இந்நிலையில் குறித்த சிறுமி விமானங்களில் பயணிக்கவும் அந்நாட்டு அரசாங்கம் தடை விதித்துள்ளது.

அமெரிக்காவின் ஓகியோ மாகாணம், வெஸ்ட்லேக் பகுதியைச் சேர்ந்த இந்திய வம்சாவளியைச் சேர்ந்த மருத்துவர் சந்தோஷ் தாமசின் மகள் அலிஷா (வயது 6). இவரது பெயரை தீவிரவாதிகள் கண்காணிப்புப் பட்டியலில் சேர்த்துள்ள அமெரிக்க உள்நாட்டு பாதுகாப்புத் துறை, அவர் விமானத்தில் பயணிக்க தடை விதித்துள்ளது.

சமீபத்தில் க்ளீவ்லேண்டில் இருந்து மினியபொலிஸ் நகருக்கு விமானத்தில் செல்ல டிக்கெட் பெற்றுக்கொள்ள முயன்றபோது, எயார்ர்லைன்ஸ் நிறுவனத்தின் முகவர் இந்தத் தகவலை சிறுமியின் தந்தையிடம் தெரிவித்துள்ளார். இருப்பினும், விமானத்தில் பயணிக்க அனுமதி அளித்த விமான நிலைய அதிகாரிகள், இது குறித்து உள்நாட்டு பாதுகாப்புத்துறையிடம் பேசி, சிறுமியின் பெயரை நீக்க நடவடிக்கை எடுக்குமாறு அறிவுறுத்தினர்.

இதையடுத்து, பாதுகாப்புத்துறைக்கு டாக்டர் சந்தோஷ் கடிதம் எழுதினார். ஆனால், அவர்களிடமிருந்து வந்த பதில் அதிர்ச்சியைத் தந்துள்ளது. சிறுமியின் பெயருக்கு அனுப்பப்பட்ட அந்த பதிலில், உங்களது கோப்பில் எந்த மாற்றமும் செய்யப்படாது என்று கூறப்பட்டுள்ளது. இதையடுத்து இந்த விவகாரத்தை "பாக்ஸ் நியூஸ்" தொலைக்காட்சி ஆய்வு செய்ததுடன், இது குறித்து விமானப் பாதுகாப்பு துறையிடம் கேள்வியும் எழுப்பியது.

இதன்போது குறித்த தொலைக்காட்சிக்கு பதிலளித்த விமானப் பாதுகாப்பு துறை, "தம்மிடமுள்ள பட்டியலின் அடிப்படையில் அதில் உள்ளடக்கப்பட்டுள்ளவர்களை விமானத்தில் பயணிக்காமல் தடுப்பது உண்மை" என்று தெரிவித்தது. "ஆனால், அதில் யாருடைய பெயர்கள் உள்ளன என்பது இரகசியம். மேலும் அந்தப் பட்டியலில் உள்ள நபர்கள் தீவிரவாதிகளுடன் தொடர்புள்ளவர்கள் என்பதால் அது குறித்து யாருக்கும் எந்த விளக்கமும் தரப்படாது" என்றும் பதிலளித்துள்ளது.

இத்தனைக்கும் அலிஷா பிறந்து 2 மாதத்தில் இருந்து பலமுறை விமானப் பயணம் செய்துள்ளார். கடந்த பெப்ரவரியில் மெக்சிகோவுக்கும் தங்களுடன் சென்று வந்துள்ளது இந்தக் குழந்தை. அப்போதெல்லாம் எந்தப் பிரச்சனையும் வரவில்லை. திடீரென இப்போது தான் அவரது பெயரை தீவிரவாதிகள் கண்காணிப்புப் பட்டியலில் சேர்த்துள்ளனர் அதிகாரிகள் என்று அவரது பெற்றோர் கூறுகின்றனர்.

முன்பு வெளிநாட்டுப் பயணிகளி்ல் சந்தேகப்படும்படி உள்ளோரின் பெயர்களை இந்தப் பட்டியலில் சேர்த்து வந்தனர். இப்போது உள்நாட்டினரையும் அதில் சேர்க்க ஆரம்பித்துள்ளது அமெரிக்கா என்பது குறிப்பிடத்தக்கது. இப்போது இந்த விவகாரத்தை நேரடியாக அமெரிக்க உள்துறையிடம் கொண்டு செல்லும் நடவடிக்கைகளில் மருத்துவர் சந்தோஷ் ஈடுபட்டுள்ளார்.

“நபியவர்கள் ரஜப் மாதத்தை அடைந்தால் அல்லாஹம்ம பாரிக் லனா பீ ரஜப் வ ஷஃபான் வபல்லிக்னா ரமலான் எனப் பிரார்த்திப்பார்கள் என்று வரும் செய்தி பஸ்ஸார் , இப்னுஸ் சுன்னி 659, சுஃபுல் ஈமான் 3815 , போன்ற கிரந்தங்களில் நபித்தோழர் அனஸ் வழியாக அறிவிக்கப்பட்டுள்ளது.

ஆனால் இந்த செய்தி ஆதாரப்பூர்வமானதல்ல. இந்த செய்தியில் ஸாஇதா இப்னு அபிர்ருக்காத் என்பவர் இடம்பெறுகிறார். இவர் இச்செய்தியை ஸியாத் இப்னுன் நுமைரி என்பவர் வழியாக அறிவிக்கிறார். இருவருமே மிகவும் பலவீனமானவர்கள்.

1.இமாம் புகாரி அபூ ஹாதிம் போன்றோர் ஸாஇதாவை மிக பலஹீனமானவர் என்று விமரிசித்துள்ளனர்.

2.அதே போன்று ஸியாத் அந்நுமைரி ஒருபொருட்டே இல்லை என இப்னு மஈன் விமரிசித்துள்ளார்.

இப்னு ஹஜர் அவர்கள் தப்யீனுல் அஜப் என்ற தனது ரஜப் மாதம் பற்றிய நூலில் இந்தச் செய்தியை பலஹீனப்படுத்தியுள்ளார். பார்க்க பக்கம் 40. இந்த பலஹீனமான செய்தியை குறுஞ் செய்திகள் மூலம் பலர் பரப்பி வருகின்றனர். அவர்கள் இது பலஹீனமான ஒரு செய்தி என்று உணர்ந்துகொள்ள இன்னொரு குறுஞ்செய்தி மூலம் சகோதரர்கள் தெளிவுபடுத்தவேண்டும் என்பதற்காகவே இதைப் பதிவு செய்கிறோம்

நன்றி http://www.mujahidsrilanki.com/2010/06/

கஹடோவிடாவைச் சேர்ந்த பிரபல வர்த்தகரொருவர் கடந்த சில தினங்களுக்கு முன்னர் மாடு கொள்வனவுக்காக கிருந்துவளயைய்யொட்டிய ஊரொண்டுக்குச்சென்று சுமார் 50000 ரூபாய் பெருமதியான மாடொன்றை கொள்வனவுசெய்து சில பாதையொன்றினால் மாட்டைக் கொண்டுவந்துள்ளார். வரும் வழியில் வல்கமுள்ளைப் பகுதியில்வைத்து வாகனமொன்றில் வந்த சிலர் இவர்களை வழிமரித்துத் தாக்கியிருக்கின்றனர். அத்துடன் மாட்டையும் இவர்கள் பிடியிலிருந்து தப்பிச்செல்லவிட்டிருக்கின்றனர்.மாலை வேலை என்ற படியாலும்,சனநடமாட்டம் குறைந்த பாதை என்பதனாலும் இச்சம்பவம் கச்சிதமாக நடந்துள்ளது. சம்மந்தப்பட்ட வியாபாரிக்கு அவ்வளவு பாதிப்பில்லாவிடினும் மாற்றுமத சகாக்களுக்கு பலத்த அடிகள் விழுந்துள்ளதாக கூறப்படுகின்றது. பின்னர் வல்கமுள்ளை மற்றைய வயற் பகுதியிலிருந்து மாட்டைப் பிடித்ததாகவும் சொல்லப்படுகின்றது. வியாபாரிகள் சிலரின் சதியினால்தான் இச்சம்பவம் நிகழ்துள்ளதாகவும் வியாபாரிகளின் தரப்பு செய்திகள் தெரிவிக்கின்றன. எனவே இதுபோன்று வியாபாரம் செய்வோர் மிகக் கவணமாகவும், முடிந்தளவு சட்டபுர்வமுhகவும் புரிந்துணர்வுடனும், நேர்மையாகவும் தமது வியாபாரநடவடிக்கைகளை அமைத்துக்கொள்வது நல்லதாகும்.

இன்று நள்ளிரவு முதல் அமுலுக்கு வரும் வகையில் ஒரு இறாத்தல் பாணின் விலை 4 ரூபாவால் அதிகரிக்கப்பட்டுள்ளது.


இந்நிலையில், இதுவரை காலமும் 40 ரூபாவுக்கு விற்பனை செய்யப்பட்டு வந்த ஒரு இறாத்தல் பாண், இன்று நள்ளிரவு முதல் 44 ரூபாவாக விற்பனை செய்யப்படவிருக்கிறது.

கோதுமை மாவின் விலை நேற்று அதிகரிக்கப்பட்டிருந்தது. இதனையடுத்தே, பாணின் விலை அதிகரிக்கப்படுவதாக இலங்கை வெதுப்பக உரிமையாளர் சங்கத்தின் தலைவர் என்.கே.ஜயவர்த்தன தெரிவித்தார்.

இதேவேளை, 400 கிலோகிராம் நிறையுடைய பால் மா பைக்கற்றின் விலையை 14 ரூபாவினாலும் ஒரு கிலோகிராம் நிறையுடைய பால் மா பைக்கற்றின் விலையை 48 ரூபாவினாலும் கடந்த வாரம் அதிகரித்திருந்தமை குறிப்பிடத்தக்கது.

புகுமுன் சில வரிகள் உங்களுடன்.....
கஹட்டோவிட கிராமத்தின் அன்றாட சில நடப்புக்களைத் தொடர்பு படுத்தி இது எழுதப்படுகிறது. முழுக்க முழுக்க இதில் நிறைந்த கருத்தைத் தரும் குறைந்த சொற்பிரயோகங்களைப் பயன்படுத்தவே முனைந்தேன். அது எவ்வளவு தூரம் முடியுமாயிருக்கிறது என்பதைத் தீர்மானிப்பது நீங்கள்தான். ‘அவன் எழுதும் ஒரு கிராமத்துத் தரிசனம்;’ என்ற பிராதான தலைப்பின் கீழ் சிறு சிறு உப தலைப்புக்களைத் தாங்கியதாக இது அமைந்துள்ளது. இது பற்றிய உங்கள் எண்ணங்கள், கருத்துக்கள் எனது இந்த முயற்சியில் இன்னும் பல முன்னேற்றங்களைக் கொண்டு வரும் என்பது எனது கருத்தாகும்.
..................................................................................................................................
நக்கலும் நகைப்புமாய் குத்தலும் முறைப்புமாய் அவர்கள் செல்கிறார்கள். பையிலொரு பேனாவும் கையிலொரு புத்தகமுமாய் வர்ணஜால கோலங்களில் படையெடுத்து அவர்கள் செல்கிறார்கள். எங்கு செல்கிறோம் எதற்காகச் செல்கிறோம் என்பதைவிட எப்படிச் செல்கிறோம் என்பதுதான் அவர்களுக்கு அவசியம் போலும். பள்ளிப்பருவம் புரியும் வினோத விந்தைகள் இவர்களை வானம்பாடிகளாக்கிவிட்டன. காணல் நீரில் மீன் பிடிப்பார்கள், தொடுவானில் சிறகடிப்பார்கள். இவார்கள்தான் பின்னேர வகுப்புக்குச் செல்லும் சில பிஞ்சுகள். கூலிக்கு மாரடிக்கும் சிலர் கொளுத்த பணம் பெருக்க மாலையில் வகுப்பு வைக்கிறார்களாம். அரிச்சுவடி சொல்லிக் கொடுக்கவே ஆயிரம் வகுப்பு வைக்கிறார்களாம். கல்வி முறையைக் குறை கூறுவதா? இவர்களைக் குறை கூறுவதா? யாரைத்தான் குறை கூறுவது. குறைகளை முறையாய் எடுத்துக் கூறுவதுதான் இன்றைக்குப் பெரும் குறையாய் போயிருக்கிறது. பாடங்களைப் படித்து முடிக்க பாடசாலையில் நேரம் போதாதாம். பாடத்திட்டம் போட்டவர்களுக்கு ஏன் இந்த நேரம் போதாமை தெரியாமற் போனதாம். போகிற போக்கில் இவர்கள் பச்சைத் தண்ணீரில் பலகாரமே பொரிப்பார்கள் போல.  நாப்பது நிமிடப் பாடத்தில் முக்கால் நேரம் அரட்டையில். எஞ்சிய பத்திலும் எதைத்தான் படிக்கலாம். மாலை வகுப்புக்கு வராதவர்களைப் பார்த்து மிரட்டல் வேற இவர்கள் விடுகிறார்களாம். யாரை ஏமாற்றுகிறார்கள். ஒரு சமூகத்தையல்லவா இவர்கள் ஏமாற்றுகிறார்கள். பிஞ்சுகளுக்கெல்லாம் வகுப்பு வைக்கும் இந்தக் கலாச்சாரம் மாற்றப்படல் வேண்டும். தாலாட்டுப் பாடிய வாய்களும் நிலாச்சோறூட்டிய கைகளும் தன் பிள்ளைக்குக் கற்றுக் கொடுக்க வேண்டும். தொலைக்காட்சித் தொடர்களைப் பார்த்து, லயித்து, கடைவாயில் எச்சிலைக் கூட துடைக்க மறந்த இந்தத் தாய்க்குலத்துக்கு தொலைந்து போகும் தம் பிள்ளையின் எதிர்காலம் என்றைக்குத்தான் நினைவில் வரப்போகுது? ஆனால் பரீட்சை முடிந்துவிட்டால் போதும். மக்கன், மடையன்……… ஒரு அகராதியையே வாசிப்பர்கள். பரிதாபம் இந்த இளசுகள். முளையிலேயே கருகிவிடுகிறார்கள். காலையானால் பாடசாலை, மாலையானால் ஒரு வகுப்பு, அது முடிந்ததும் இன்னொரு வகுப்பு. எதனைத்தான் படிப்பார்கள்? சிறைசெல்லாமலேயே சிறையை இவர்கள் தெரிந்துவிட்டார்கள். எங்களை யாருமே பரியமாட்டார்களா என்று நொந்துபோய்விட்டார்கள். இனியாவது இவர்களை யாராவது புரிந்து கொள்ளட்டும்!

  களுத்துறை மாவட்டத்தில் இஸ்லாமிய பல்கலைக்கழகம் ஒன்றை அமைக்க அமைச்சர் ராஜித சேனாரத்ன நடவடிக்கை எடுத்துள்ளார்.

பேருவளை ஜாமியா நளீமியா இஸ்லாமிய கற்கை நிலையம், சர்வதேச தரத்தினாலான இஸ்லாமிய பல்கலைக்கழகமாக மாற்ற நடவடிக்கை எடுக்கப்படும் என அமைச்சர் டாக்டர். ராஜித சேனாரத்ன தெரிவித்தார்.

அண்மையில் ஜாமியா நளீமியாவில் இடம்பெற்ற கண்காட்சியைப் பார்வையிட்ட அவர் அங்குள்ள வளங்களையும் தரத்தையும் கருத்திற் கொண்டு, இம் முடிவுக்குத் தாம் வந்துள்ளதாக அவர் தெரிவித்திருக்கின்றார்.

இது தொடர்பான ஆவணங்களைத் தயாரிக்கும்படி அவர் தமது அதிகாரிகளைப் பணித்துள்ளார்.

இலங்கை கிரிக்கெட் அணியின் வேகப்பந்து வீச்சாளர், பர்வீஸ் மக்ரூஃப், தொடர்ச்சியாக மூன்று விக்கெட்டுகளை (ஹெட் -ரிக்) கைப்பற்றி சாதனை படைத்துள்ளார்.

தம்புளையில் நடபெற்றுவரும் ஆசிய கிண்ண கிரிக்கெட் போட்டியில் இந்தியாவும் இலங்கையும் இன்று களமிறங்கியுள்ளன.

இந்நிலையிலேயே பர்வீஸ் மக்ரூஃப், இந்த சாதனையைப் படைத்துள்ளார். இந்திய அணியைச் சேர்ந்த, ரவிந்திர ஜடேஜா, பிரவீன் குமார் மற்றும் ஷஹீர்கான் ஆகியோரே அவரது பந்துவீச்சுக்கு ஆட்டமிழந்துள்ளனர்.

மேல் மாகணசபை உறுப்பினர் விஜித ஹேரத அவர்கள் தனக்கு ஒதுக்கப்பட்ட பண்முகப்படுத்தப்பட்ட நதியில் குறைந்தளவு மூன்றரை இலட்சம் ரூபா அளவில்; கஹடோவிட கிராமத்திலுள்ள பாடசாலைக்கு ஒதுக்குவதாக வாக்குறுதி அளித்;;துள்ளாறென்று தகவலரிந்தவட்டாரங்கள் மூலமாக அறியக்கிடைக்கின்றது. இந்த நிதியைப் பயண்படுத்த அதற்கான தேவையை மதிப்பீடு செய்து கணிப்பிட்டுத்தருமாறு கேட்டுள்ளார்.
எனவே இந்த நிதி பிரயேசனமானதொரு வேலைத்திட்டத்திற்கு பயன்படுத்தப்போவதாக உண்மையான தகவல்கள் தெரிவிக்கின்றன.

உலக தட்பவெப்ப நிலைகளில் மனிதன் அசைக்க முடியாத தெளிவான தாக்கத்தை ஏற்படுத்துகிறான் என்பது வெப்பநிலை ஆராய்ச்சியாளர்களின் கருத்து. தற்போது அதிகரித்துக் கொண்டுள்ள வெப்பநிலைக்கு தெரிந்தோ தெரியாமலோ மனிதனும் மனிதச் செயல்களும் காரணமாகிவிட்டன எ ன்பதே உறுதியான உண்மை.


இத்தட்பவெப்பநிலை மாற்றங்களினால் பலவகை விலங்குகளும் செடிகளும் மறைந்து கொண்டு வருகின்றன. புவிவெப்பமடைதலே இம்மாற்றங்களுக்கு ஆணிவேராகக் கருதப்படுகின்றது. உலக தட்பவெப்ப மாற்றங்களுக்கு காரணம் பசுங்கூட (Green House) விளைவேயாகும். பசுங்ககூட விளைவு என்பது இயற்கையாக நிகழக்கூடிய ஒரு நிகழ்வு. இவ்விளைவினால் பூமியிலிருந்து பிரதிபலிக்கும் புற ஊதாக் கதிர்களும் அகச் சிவப்புக் கதிர்களும் வளி மண்டலத்தில் உள்ள பசுங்கூட வாயுக்களால் விழுங்கப்பட்டு மீண்டும் பூமிக்கு திரும்பவும் அனுப்பப்படுகின்றன. இதன் காரணமாக பூமி அதிக வெப்பமடைகிறது.

முன்பிருந்த தொழிற்சாலை கழிவுநீர்களில் இருந்து தற்கால தொழிற்சாலை கழிவுகளின் தன்மைகள் வேறாக மாறியுள்ளன. இதனால் ஒட்டுமொத்த ஹாலோ கார்பன் என்பவற்றின் அளவு அதிகரித்துள்ளது. இதன் விளைவாக புவி வெப்பமடைதல் ஒரு சதுர மீட்டருக்கு 2.450 சென்டிகிரேடு வெப்பம் என்ற விகிதத்தில் அதிகரித்துக் கொண்டேயுள்ளது. கரியமிலவாயு, மீத்தேன், குளோரா புளோரோ கார்பன், ப்ரியான், ஹாலஜன்ஸ், ஏரோசால் பிரப்பலெட்ஸ் போன்று பலவகையான குளிர் சாதனப் பெட்டிகளிலிருந்து வெளிவருகின்ற வாயுக்களே இந்த பசுங்கூட விளைவுக்கு காரணமாகின்றன. அறிவியல் அறிஞர்களின் கருத்துப்படி புவி 2.50 பாரன் ஹீட் வரை வெப்பமாகிக் கொண்டேயுள்ளது.

இது தொடர்ந்தால் இன்னும் நூறு ஆண்டுகளில்:

 கடல் வெப்பமடைந்து கடல் நீர்மட்டம் உயரும்;
 பனிமலைகள் உருகி மேலும் கடல் மட்டம் உயரும். இதனால் 21 ஆம் நூற்றாண்டிற்குள் கடல் மட்டம் 9 செ.மீ.இலிருந்து 88 சென்டி மீட்டருக்கு உயரும் என்பது ஆய்வாளர்கள் கருத்து.
 பருவகாலங்கள் மாறலாம்
 வெப்பம் அதிகரிப்பதால் நீராவி அதிகரித்து மழை அதிகரிக்கலாம். இதனால் உலகின் பல்வேறு பகுதிகளில் வெள்ளம் வரலாம்.
 இயற்கை சீற்றங்கள் புயல், சூறாவளி ஆகியன பல்வேறு பகுதிகளில் அதிகரிக்கலாம். அண்மையில் 2004 ஆம் ஆண்டில் அமெரிக்காவில் 562 முறை சூறாவளி வந்ததாக சான்றுகள் பல உள்ளன.
 உலகின் பல இடங்கள் பாலைவனங்களாய் மாறலாம்.
 பல்வேறு வகையான செடிகொடிகள் மற்றும் விலங்கினங்கள் கூட அழிந்து விடலாம்.
 பருவகால மாற்றத்தினால் விவசாயத்தில் பல மாற்றங்கள் ஏற்படும்.
 மலேரியா, டெங்குகாய்ச்சல், மஞ்சள் காய்ச்சல் போன்ற வெப்ப மண்டல நோய்கள் குளிர்பிரதேசங்களுக்கும், காலரா, வயிற்றுப் போக்கு போன்ற தண்ணீரால் வரும் நோய்கள் வெப்ப மண்டலங்களுக்கும் இடம் மாறும்.
 கடல் மட்டம் உயர்வதால் நிலப்பரப்பு குறைந்து மக்கள் நெருக்கம் அதிகரிக்கும்.
 பல வகையான காடுகள் குறிப்பாக அலையாத்திக் காடுகள் அழியக்கூடும்.

இவை, உயிரிகளிடத்தே ஏற்படுத்தக்கூடிய தாக்கங்கள் மனித இனம் எதிர்பாராத ஒன்றாய் இருக்கும் என்பதில் துளிகூட அய்யமில்லை. 1970களில் அமெரிக்கா மட்டுமே சுமார் 2,00,000 டன்னுக்கும் மேல் ஹாலோ கார்பன்களை வெளியேற்றியது. இதனை எதிர்த்து அய்க்கிய நாடுகள் அவை பல்வேறு ஒப்பந்தங்களைக் கொண்டு வந்தது.

நார்வே, ஸ்வீடன், கனடா போன்ற நாடுகளாலும் ஹாலோ கார்பன் வெளியேற்றம் தடை செய்யப்பட்டது. மேலும் நச்சுப் பொருள்களின் தடை ஆணையின் படி இவற்றின் உற்பத்தியும் பயன்பாடும் தடை செய்யப்பட்டன. அமெரிக்க வானியல் ஆராய்ச்சி மய்யமான ‘நாசா' 13.7.2004 அன்று பூமி வெப்பமடைதல் பற்றி ஆய்வு செய்ய செயற்கைக்கோள் ஒன்றை அனுப்பியது.

அமெரிக்காவில் மட்டும் இருந்து 25 சதவிகிதம் கரியமில வாயு (கார்பன் டை ஆக்சைடு) வெளியேறுவதால் அமெரிக்க அதிபர் புஷ், தம் நாட்டு மக்கள் இதன் பயன்பாட்டை குறைக்க நடவடிக்கை எடுப்பதாகவும், தாம் இது குறித்து தீவிர முடிவுகள் மேற்கொள்ளப் போவதாகவும் கூறியிருந்தார். இது போன்ற முடிவுகள் பிரிட்டனின் முதல் அமைச்சரான டோனி ப்ளேராலும் மேற்கொள்ளப்பட்டன.

‘நாசா'வின் கருத்துப்படி பனிப்பிரதேசங்களில், பனிமலைகளும், பனிப்பாறைகளும் பத்தாண்டுகளுக்கு 9 சதவிகிதம் எனும் அடிப்படையில் உருகி வருகின்றன. இதனால் 40 சதவிகித பனிப்பாறைகள் குறைந்துள்ளன. மேலும் வளிமண்டலத்தில் வெளியேற்றப்பட்ட கரியமிலவாயுவில் 50% கடல் நீரில் கரைந்து, கடல் நீரின் அமிலத்தன்மையை அதிகரிக்கச் செய்துள்ளது. இதனால் பவழப் பாறைகள் பெருமளவில் குறைந்தபடி உள்ளன. பல கடல் உயிரிகளும் அழிந்த வண்ணம் உள்ளன.

இத்தகைய மாற்றங்களையும், பேரழிவுகளையும் கண்டு நாம் அஞ்சினால், நமது இனம் மண்ணில் நீண்ட நாள் வாழ வேண்டும் என்ற ஆசை இருந்தால் நடைமுறையில் நாம் சில மாற்றங்களைக் கொண்டு வந்தாக வேண்டும். புவி வெப்பமடைதலை முழுவதுமாய் குறைக்க முடியாவிட்டாலும் நம்மால் இயன்றவரை அதன் வேகத்தையும் அளவையுமாவது கட்டுப்படுத்தலாம் அல்லவா? அதற்கு தனி மனிதர்களின் தனிப்பட்ட பல்வேறு பயன்பாடுகளை தவிர்த்தல் வேண்டும்.

அவசர அவசிய தேவைகளுக்கே தனியார் வாகனங்களைப் பயன்படுத்த வேண்டும். பிற நேரங்களில் பொது போக்குவரத்து வாகனங்களை நாடுவது அதிக அளவில் வெளியேறும் CO2, N2O ஆகியவற்றை குறைக்க வழி வகை செய்கிறது.

எரிவாயுவிற்கும் மின்சாரத்திற்கும் பதிலாக சூரியனில் இருந்து கிடைக்கும் சூரியச் சக்தி, காற்றுசக்தி, நீர் சக்தி போன்று பலவற்றை நாம் பயன்படுத்தலாம். மேலும் கிராமப்புறங்களில் மிகுதியாகக் கிடைக்கும் சாண எரிவாயு மற்றும் அழுகிய பொருள்களிலிருந்து கிடைக்கும் எரிவாயுவை நாம் பயன்படுத்தலாம்.
பசுங்கூட விளைவினை ஏற்படுத்தக்கூடிய வாயுக்களை வெளியேற்றும் பொருள்களை பயன்படுத்துவதைத் தவிர்த்தல் அல்லது குறைத்தல் வேண்டும்.

இவை பற்றிய விழிப்புணர்வினை உலகின் பட்டி தொட்டிகளுக்கும் சென்றடைய நாம் பல முயற்சிகளை மேற்கொள்ள வேண்டும். இன்றைய நிலையில் தீவிரவாதத்தைவிட அதிதீவிரமான பிரச்சினை புவி வெப்பமடைதல் ஆகும். இவற்றை எல்லோரும் உணரும் வகையில் செய்து பூமியில் ஏற்படும் மாற்றங்களை குறைக்க வழி வகுப்போம். இயற்கை அன்னையை காப்பாற்றுவோம்.

உலக அதிசயங்களில் ஒன்றாகக் கருதப்படும் இத்தாலியின் பைசா என்ற சாய்ந்த கோபுரத்தை முறியடித்துள்ளது அபுதாபியின் நவீன கட்டடம். அதிகளவில் சாய்ந்திருக்கும் சாதனையில் இத்தாலியின் பைசா கோபுரத்தை அபுதாபியின் கேட் கப்பிற்றல் (Gate-Capital) கோபுரம் முறியடித்து கின்னஸ் சாதனையில் இடம்பெற்றுள்ளது. இத்தாலியில் உள்ள உலகப் புகழ்பெற்ற பைசா கோபுரம் 4 பாகை சாய்ந்துள்ளது. அதை பின்னுக்குத் தள்ளி கேட் கப்பிற்றல் முதலிடம் பிடித்துள்ளது. பைசா கோபுரத்தை விட நான்கு மடங்கு அதிகமாக 18 பாகை கோணத்தில் இது சாய்வாக கட்டப்பட்டுள்ளது.

கொழும்பு, கொம்பனத்தெரு பகுதியில் உள்ள பள்ளிவாசல்களில் இராணுவப் புலனாய்வுப் பிரிவினர் விசாரணைகள் மேற்கொண்டதாக அங்குள்ள மக்கள் தமிழ்மிரர் இணையதளத்திற்கு தெரிவித்தனர்.


மேலும் இது சம்பந்தமாக தெரியவருவதாவது, தொழுகைகளுக்காக பள்ளி வாசல்களுக்கு வருவோர், பள்ளி வாசல்களின் வருமானம், சொத்து விபரங்கள் மற்றும் வெளிநாடுகளிலிருந்து குறித்த பள்ளிவாசல்களுக்கு உதவி கிடைக்கப் பெறுகின்றதா என்பது தொடர்பில் புலனாய்வுப் பிரிவினர் விசாரணைகள் மேற்கொண்டுள்ளனர்.

சிவில் உடையணிந்த படை அதிகாரிகளே இந்த விசாரணை நடவடிக்கைகளை மேற்கொண்டுள்ளதாக தகவல்கள் தெரிவிக்கின்றன.

இராணுவப் புலனாய்வுப் பிரிவினரின் விசாரணைகள் குறித்து எதிர்க்கட்சித் தலைவர் ரணில் விக்ரமசிங்க, ஸ்ரீலங்கா முஸ்லிம் காங்கிரஸ் தலைவர் ரவூப் ஹக்கீம் மற்றும் மேல் மாகாண ஆளுனர் அலவி மௌலான ஆகியோருக்கு பள்ளிவாசல் நிர்வாகத்தினர் அறிவித்துள்ளதாக தகவல்கள் தெரிவிக்கின்றன.(R.A)

முன்னாள் இராணுவ தளபதி ஜெனரல் சரத் பொன்சேகாவின் மனைவியான அனோமா பொன்சேகாவுக்கு மரியாதை  செலுத்திய இராணுவ வீரர் உடனடியாக அமுலுக்கு வரும் வகையில் இடமாற்றம் செய்யப்பட்டுள்ளார்.

நாடாளுமன்றத்திற்கு அருகில் அமைந்துள்ள இராணுவ நினைவுத்தூபியில் அஞ்சலி செலுத்துவதற்காக அனோமா பொன்சேக்கா சென்றிருந்த போதே அவருக்கு குறித்த வீரர் மரியாதை செலுத்தியுள்ளார். 

சல்யூட் அடித்து மரியாதை செய்யும் புகைப்படம் அண்மையில் ஊடகங்களில் வெளியானைதை அடுத்து அவர் தொடர்பில் விசாரணை நடத்தியுள்ள பாதுகாப்பு அமைச்சிடம்  முன்னாள் இராணுவத் தளபதியின் மனைவி என்ற வகையில் அவருக்கு மரியாதை செய்வது இராணுவ நடைமுறை என்பதால் தாம் அவருக்கு மரியாதை செலுத்தியதாக மேற்படி இராணுவ வீரர் கூறியுள்ளார்.

இந்நிலையில் குறித்த வீரரை உடனடியாக வேறொரு மாவட்டத்துக்கு மாற்றம் செய்யுமாறு உரிய அதிகாரிகளுக்கு பாதுகாப்பு அமைச்சு உத்தரவு  பிறப்பித்துள்ளது.

இதேவேளை இந்த இராணுவ வீரரின் இடமாற்றத்தை உறுதி செய்த இராணுவ பேச்சாளர் மேஜர் ஜெனரல் பிரசாத் சமரசிங்க, மேற்படி இடமாற்றத்துக்கும் அனோமா பொன்சேகாவுக்கு மரியாதை செலுத்தினார் என்ற சம்பவத்துக்கும் எவ்வித தொடர்பும் இல்லை என்று தெரிவித்தார்.

குறுகிய மனப்பான்மையினைக் கொண்டவர்களே இவ்விரு சமபவங்களையும் தொடர்புபதுத்திக் கதைக்கின்றார்கள் என்றும் இராணுவ பேச்சாளர் கூறினார்.

அனோமா பொன்சேகாவின் தாயார் இன்று மரணமானார். அவரது இறுதிச் சடங்கு இன்று மாலை 6.30 மணிக்கு நடைபெறுகிறது. அன்னாரது பூதவுடல் பொரளை ஜெயரட்ன மலர்ச்சலையில் வைக்கப்பட்டுள்ளது.


அவரது மரணச்சடங்கில் கலந்து கொள்வதற்கு, இராணுவத் தடுப்புக் காவலில் வைக்கப்பட்டிருக்கும் ஜனநாயக தேசிய முன்னணி நாடாளுமன்ற உறுப்பினரும் முன்னாள் இராணுவத் தளபதியுமான சரத் பொன்சேகாவுக்குப் பாதுகாப்பு அமைச்சு அனுமதி வழங்கியுள்ளது.

அனோமா பொன்சேகாவின் குடும்பத்தினர் விடுத்த வேண்டுகோளுக்கிணங்கவே இவ்வனுமதி வழங்கப்பட்டுள்ளதாகப் பாதுகாப்பு அமைச்சு தெரிவித்துள்ளது.

நாஜித் தலைவர், ஜெர்மனியின் அடால்ஃப் ஹிட்லர் பற்றி ஹிந்தியில் திரைப்படம் எடுக்கவிருக்கும் செய்தி இஸ்ரேலியர்களிடையே அதிர்ச்சி ஏற்படுத்தியுள்ளது.

அதாவது கொடுங்கோலன் ஹிட்லர் இந்தியாவை நேசித்ததாகவும், அவர் இந்திய விடுதலைக்கு மறைமுகமாக பங்களிப்பு செய்ததாகவும் அதில் காட்டப்படவுள்ளது என்பது தற்போது சர்ச்சையைக் கிளப்பியுள்ளது.

இஸ்ரேலில் உள்ள இந்திய யூதர்கள் மைய அமைப்பின் தலைவர் நோவா மஸ்ஸில் இது குறித்துக் கூறுகையில்:

"நான் இந்தியன் என்று கூறிக்கொளவதை கௌரவ்மாகக் கருதி வருகிறேன், இஸ்ரேலில் எங்கு சென்றாலும் நான் இந்தியன் என்று கூறிக் கொள்வதில் பெருமை அடைகிறேன், எனது சக இஸ்ரேலியர்களிடம் நான் கூறுவதெல்லாம் இந்தியாவில் ஒரு போதும் யூதத் துவேஷம் இருந்ததில்லை என்று கூறிவந்துள்ளேன், ஆனால் இந்த பாலிவுட் பட விவகாரத்தினால் நான் இப்போது தலைகுனிந்து நிற்கிறேன், பாலிவுட்டின் அறியாமை குறித்து வெட்கப்படுகிறேன்.

எனக்குத் தெரிந்ததெல்லாம் ஹிட்லர் ஒரு போதும் இந்திய விடுதலையை ஆதரித்ததில்லை என்பதே. நான் பிரதமர் மன்மோகன் சிங் அல்லது குடியரசுத் தலைவர் பிரதீபா பாட்டீலுக்கு கடிதம் எழுதப்போகிறேன், பாலிவுட்டின் இந்த முயற்சியை நிறுத்தவேண்டும். ஏனெனில் இங்கு புகழ் பெற்றிருக்கும் அந்த சினிமா தொழிலுக்கு இழுக்கு செய்வதாகும்." என்றார் மஸ்ஸில்

சந்திரனில் கால்பதித்த மனிதன் தற்பொழுது செவ்வாயில் கால் வைப்பதற்கான தீவிர முயற்சியில் குதித்துள்ளான். செவ்வாய் கிரகம் சந்திரனை விட அதிக தூரத்தில் உள்ளதால் அங்கு செல்லும் விண்வெளி வீரர்களுக்கு சுமார் ஒன்றரை வருடங்களின் பின்னரே பூமிக்கு திரும்ப நேரிடும்.
அதனால் இதற்கான பயிற்சிகள் செவ்வாய் கிரகம் போன்ற சூழ்நிலையில் ஆரம்பிக்கப்பட்டுள்ளன. இதற்காக மொஸ்கோவிலுள்ள ஆய்வு மையத்தில் உலோகக் கூண்டொன்று அமைக்கப்பட்டுள்ளது. இதற்குள் நுழைந்தால் செவ்வாயில் இருக்கும் மனநிலைதான் வருமாம். இதற்குள் ஒரு பக்கத்தில் செவ்வாய் கிரக விண்கலம் போல வடிவமைக்கப்பட்டுள்ளதாம்.
இந்த கூண்டில் நுழைந்த ஆறு விண்வெளி வீரர்களுக்கும் 24 மணி நேரமும் தனிமைதான். சூரியனைப் பார்க்க முடியாது. 10 நாட்களுக்கு ஒருமுறை வேண்டுமானால் குளிக்கலாம். வெளியில் வரவே முடியாது. தூங்குவதற்கு தனி அறைகூட இதில் அமைக்கப்பட்டுள்ளது.
உள்ளே புகும்போது அளிக்கப்பட்ட தண்ணீர், டின்களில் அடைக்கப்பட்ட உணவுகளை தான் கடைசி நாள் வரை சமமாக பிரித்து சாப்பிட வேண்டும். தண்ணீரையும் குறைவாக பயன்படுத்த வேண்டும்.
பொழுது போக்குக்கு புத்தகம் படிக்கலாம். கம்ப்யூட்டரில் வீடியோ கேம்ஸ் கூட விளையாடலாம்.
வெளியில் இருப்பவர்களை ஈமெயில் மூலம் மட்டுமே தொடர்புகொள்ள முடியும். தினமும் தாங்கள் சந்திக்கும் பிரச்சினைகளை வெளியில் உள்ள விஞ்ஞானிகளுக்கு இதன் மூலமாக அவர்கள் தெரிவிப்பார்கள். அடைக்கப்பட்ட கூண்டுக்குள் இவர்கள் 520 நாட்கள் தொடர்ந்து தங்கவேண்டும்.
கிட்டத்தட்ட பூமியில் ஒரு செவ்வாய் கிரகம் உருவாக்கப்பட்டு, அதற்கு சென்று வருவது போல, விண்வெளி வீரர்களை வைத்தே ஆய்வு நடத்தப்படுகிறது. நெருங்கவே முடியாத செவ்வாய் கிரகத்துக்கு விண்வெளி வீரர்கள் சென்று, திரும்பிவர முடியுமா என்று பார்க்கவே புதுமையான முறையிலான இந்த சோதனையை ரஷ்யா ஆரம்பித்துள்ளது.
520 நாட்கள் இருக்க முடியாதவர்களுக்கு இந்த பரிசோதனையில் இருந்து பாதியிலே விலக சந்தர்ப்பம் வழங்கப்பட்டுள்ளது.

கல்கிசை, நீர்கொழும்பு, சீதுவை ஆகிய பிரதேசங்களின் கரையோரப் பகுதிகளில் ஓரினச் சேர்க்கையாளர்களின் அட்டகாசம் நாளுக்கு நாள் அதிகரித்து வருவதாக சுட்டிக்காட்டப்பட்டுள்ளது.


சீதுவை கடற்கரையோரத்தில் ஓரினச் சேர்க்கையில் ஈடுபட்டிருந்த இளைஞர்கள் இருவரை நேற்றுமுன்தினம் பொலிஸார் கைது செய்தனர். அவர்களை நீர்கொழும்பு நீதிமன்றில் ஆஜர்படுத்திய வேளை, பொலிஸார் பல்வேறு தகவல்களை நீதவானிடம்தெரிவித்தனர்.

பொலிஸார் மட்டுமே தனித்து இதனைக் கட்டுப்படுத்த முடியாது. பொதுமக்களும் இதனைக் கட்டுப்படுத்துவதற்கு, ஒத்துழைப்பு வழங்க முன்வர வேண்டியது அவசியமாகும். ஓரினச் சேர்க்கைக்கு சிறுவர்களும் இளைஞர்களும் அடிமையாவது தடுக்கப்பட வேண்டியதவசியம். மேற்குலக நாடுகளில் இதற்கான அங்கீகாரம் வழங்கப்பட்டுள்ள போதிலும், இலங்கை போன்ற கலாசார பாரம்பரியம் கொண்ட வளர்முக நாடுகளில் ஓரினச் சேர்க்கையானது எதிர் விளைவுகளையே தரக்கூடியதாக அமையும் என்பதில் சந்தேகமில்லை. -ஆர்.நிர்ஷன்

நகரெங்கும் கலர் கலராக வியாபித்து நிற்கும் செல்போன் டவர்களால் உயிருக்கே கேடு விளையும் என்று ஆய்வு முடிவுகள் தெரிவிக்கின்றன. இன்றைக்கு நகரங்கள் மட்டுமல்லாமல் கிராமங்களில் கூட செல்போன் டவர்கள் அமைக்கப்பட்டுள்ளன.


இந்த செல்போன் டவர்கள் பார்க்க சாதுவாக நின்றாலும், பெரும் பாதிப்பை ஏற்படுத்தக் கூடியவை என்பது தெரியவந்துள்ளது. இந்த டவர்களுக்கு அருகில் வசிப்பவர்கள் கதிர் வீச்சு காரணமாக மூளையில் கட்டி, மலட்டுத் தன்மை மற்றும் நரம்புத் தளர்ச்சி போன்ற கொடிய நோய்த் தாக்குதலுக்கு உள்ளாவதாகத் தெரிய வந்துள்ளது.

ஐசிஎம்ஆர் எனப்படும் இந்திய மருத்துவ ஆராய்ச்சிக் கழகத்தின் நிர்வாக இயக்குநர் டாக்டர் எம்வி கோட்டா இதுபற்றிக் கூறுகையில், "அதிகமாக செல்போன் உபயோகிப்பது அல்லது செல்போன் டவர்களுக்கு அருகில் வசிப்பது மிகப் பெரிய பாதிப்பை ஏற்படுத்தும். அதிலும் பெண்களுக்கு மலட்டுத் தன்மை மற்றும் நரம்புக் கோளாறுகள் அதிகம் வருவது வெளிநாடுகளில் நிரூபிக்கப்பட்டுள்ளது.

இந்தியாவில் பாதிப்பின் அளவு எவ்வளவு என்பது குறித்து ஆய்வுகள் மேற்கொள்ளப்பட்டுள்ளன. டெல்லி எய்ம்ஸ் உள்ளிட்ட மருத்துவ ஆராய்ச்சி மையங்களின் உதவியுடன் இதனை மேற்கொண்டுள்ளோம்..." என்கிறார்.

ஆனால் இந்த ஆய்வு முடிவு வரும்வரை கூட காத்திருக்கத் தேவையில்லை என்கிறார்கள் சிஎன்என் - ஐபிஎன்கார்கள். இந்த நிறுவனத்தின் நிருபர்கள், பேராசிரியர் கிரிஷ் குமார் உதவியுடன் ஒரு உண்மையை நிரூபித்துள்ளனர்.

செல்போன் டவர்கள் அமைந்துள்ள இடத்திலிருந்து 50 மீட்டர் தொலைவுக்கு சுமார் -12 முதல் -10 டிபி வரை கதிர்வீச்சு நிலவுவதை ஆதாரத்துடன் நிரூபித்துள்ளனர். பொதுவாக -30 டிபி அளவு கதிர்வீச்சு இருக்கலாம். இந்த அளவு குறைய ஆரம்பித்தால் ஆபத்து என்பது குறிப்பிடத்தக்கது.

டெல்லியில் ஒரு செல்போன் டவருக்கு அருகில் வசித்த விஜயா பட் என்ற பெண் இப்போது மூளைக்கட்டி நோயால் அவதிப்படுகிறார்.

இந்த நோய் அவருக்கு வரக் காரணம் இந்த டவர்தான் என்பதை மருத்துவர்கள் உறுதி செய்துள்ளனர். இந்த மாதிரி நோயாளிகள் இப்போது மாநகரப் பகுதிகளில், குறிப்பாக செல்போன் டவர்களுக்கு அருகில் வசிப்பவர்களிடையே அதிகரித்து வருவதை பேராசிரியர் கிரிஷ் சுட்டிக் காட்டுகிறார். ___

Virakesari News

நிலைமை கட்டுப்பாட்டை மீறிவிட்டதென்கிறார் இடைக்கால அரசின் ஜனாதிபதி

சுனாமி எச்சரிக்கை தற்போது நீக்கப்பட்டுள்ளதாக சுபிக் சுனாமி எச்சரிக்கை நிலையம் தனது இறுதி அறிக்கையில் தெரிவித்துள்ளது.(இலங்கை நேரம் 3.30 அதிகாலை)
கடல்மட்ட உயர வாசிப்புகளில் சுனாமி அலை உருவாகுவது அவதானிக்கப்படாமையால் சுனாமி எச்சரிக்கை நீக்கப்படுவதாக மேலும் தெரிவிக்கப்பட்டுள்ளது.
இலங்கைக்கு எந்த பாதிப்பும் இல்லை என்றும் மக்கள் வெளியேறத்தேவை இல்லையென்றும் இலங்கை வானிலை அவதானிப்பு நிலையம் கேட்டுக்கொண்டுள்ளது.

சுனாமி எச்சரிக்கை
இன்று(6/13/2010) அதிகாலை இந்து சமுத்திரத்தில் இடம்பெற்ற 7.7 பூமி அதிர்ச்சியை தொடர்ந்து இலங்கை பூராவும் சுனாமி எச்சரிக்கை விடுக்கப்பட்டுள்ளது.இன்று அதிகாலை 12.55 மணியளவில் ஏற்பட்ட பூமிஅதிர்வை தொடர்ந்து பசுபிக் சுனாமி எச்சரிக்கை நிலையம் சுனாமி எச்சரிக்கையும் வெளியிட்டுள்ளது. கடலுக்கு அருகில் இருப்பவர்கள் பாதுகாப்பான இடங்களுக்கு செல்லுமாறு கேட்கப்பட்டுள்ளார்கள்.
பூமி அதிர்வு 7.7 ரிக்டர் அளவில் பதிவாகியுள்ளது.
மீண்டும் அதிர்வுகள் ஏற்படக்கூடும் என்று பசுபிக் சுனாமி எச்சரிக்கை நிலையம் தெரிவித்துள்ளது.

அதிர்வு ஏற்பட்ட இடம் மையப்பகுதி- படம்



இலங்கையில் கண்டி, அனுராதபுரம், பதுளை,கொழும்பு ஆகிய இடங்களில் அதிர்வு உணரப்பட்டுள்ளது..

தொடர்புடைய செய்தி
இன்று(6/13/2010) அதிகாலை 12.55 மணியளவில் கொழும்பில் பூமி அதிர்வு உணரப்பட்டு மக்கள் அச்சத்தில் அலறிஅடித்துக்கொண்டு வீடுகளை விட்டு வெளியேறினர். நீண்ட நேரம் காத்திருந்தும் மீண்டும் அதிர்வெதுவும் தென்படாததால் மக்கள் வீடுகளுக்கு அச்சத்துடனேயே திரும்பினர்.

கம்பஹா மாவட்ட முஸ்லிம் பாடசாலைகளுல் கஹட்டோவிட அல் பத்ரியா மஹாவித்தியாலயத்திற்கு குறிப்பிடத் தக்களவிலான அறிவுப் பாரம்பரியமும், சிறப்புக்களும் உண்டு. பாடசாலையின் முன்னைய கல்வியியற் சாதனைகளும் புகழும்தான இன்றுவரை பாடசாலையின் பெயரையும் காப்பாற்றியிருக்கின்றது என்று கூறினாலும் அது மிகைப்படுத்தலகாது. ஆனாலும் பாடசாலையின் அண்மைய நிலவரங்கள் அவ்வளவு வரவேற்புக்குறியனதாகவில்லை என்பதோடு எதிர்காலத்தில் ஏற்படவுள்ள பாரிய பின்னடைவுகளை எதிர்வு கூறுபவையாகவும் அவைகள் கானப்படுகின்றன. எனவே இவ்வாறான பொது விடயங்கள் தொடர்பில் மக்களிடையே விழிப்புணர்வை ஏற்படுத்தும் வகையில் செயற்படுவது ஒரு ஊடகத்தின் அதீத பொறுப்பு என்பதனால் இவ்விவகாரம் தொடர்பில் நமது கருத்துக்களை இங்கு பிரஸ்தாபிக்கலாம் என நினைக்கின்றோம்.

பாடசாலையின் பிரதான குறைபாடு
பாடசாலையின் குறைபாடாக பல அம்சங்கள் கண்டறியப்பட்டிருந்தாலும் அவற்றுள் மிகப் பிரதானமானதும் அவசரமாய் தீர்வு காணப்பட வேண்டியதுமானதாக விளங்குவது ஆசிரியர் பற்றாக்குறையாகும். சுமார் 17 ஆசிரியர்ள் பாடசாலைக்குத் தேவைப்படுகின்றனர். இக்குறைபாட்டின் காரணமாக பாடங்கள் உரிய நேரங்களில் நடைபெறுவதில்லை. க.பொ.த தர வகுப்புக்களுக்கும் சில நாட்களில் இரண்டு அல்லது மூன்று பாடங்களே நடைபெறுவதாகக் கூறப்படுகின்றது. இதனால் சில வகுப்புக்கள் நேரகாலத்தோடு வீடுகளிற்குப் போய்விடுவதாகவும் சொல்லப்படுகின்றது. சில ஆசிரியர்கள் தாம் நினைத்த மாத்திரத்தில் இடைக்கிடையே விடுமுறை எடுப்பதாகவும் சொல்லப்படுகின்றது. உண்மையில் தமது சொந்த லீவுகளைத்தான் இவர்கள் எடுப்பதாக நியாயம் கூறப்பட்டாலும் பாடசாலையில் ஆசிரியர் குறைபாடிருப்பதனால் மாணவர் நலன் கருதி சற்றுத் தாராளத் தண்மையோடு இவர்கள் நடந்து கொண்டால் என்ன?என்று பலரும் கேள்வியெழுப்புகின்றனர். இது சம்பந்தமான தகவலை எமது சகோதர இணையத்தளமொன்றிலும் காண முடிகின்றது.

"தனது மகனின் சுகவீனம் காரணமாக பாடசாலை விடயங்களை முழுமையாகக் கவனிக்க முடியாத நிலைக்கு அதிபர் தள்ளப்பட்டுள்ளதால் இந்நிலை மேலும் மோசமடைந்தள்ளது www.kahatovita.tk "

எமது பாடசாலையின் அண்மைய நிலைதொடர்பான மேலும் கவலைக்குறிய பல தகவல்களை வாசகர்களாகிய உங்களுக்கு அறியத்தரவுள்ளோம். அல்பதிரியாவை வீழ்ச்சியிலிருந்து காப்பதற்க்குரிய ஆக்கபுர்வமான கருத்துக்களை நீங்களும் இத்தளத்தினூடாக பகிர்ந்துகொள்ளலாம்.

கடந்த ஏப்ரல் 8ஆம் திகதி கொழும்பு, கொம்பனித்தெரு பகுதியில் சட்ட விரோத வீடுகள் என்று 22 வீடுகள் அகற்றப்பட்டமை சம்பந்தமாக இன்று நாடாளுமன்றத்தில் தனிநபர் ஒத்திவைப்பு பிரோரணை ஒன்றை ஸ்ரீலங்கா முஸ்லிம் காங்கிரஸ் தலைவர் ரவூப் ஹக்கீம் முன்வைத்தார்.

எனினும் இது சம்பந்தமாக நீதிமன்றத்தில் வழக்குத்தாக்கல் மேற்கொள்ளப்பட்டுள்ளமையால் நாடாளுமன்றத்தில் விவாதத்திற்கு எடுத்துக் கொள்ள முடியாது என்று அமைச்சர் அநுர பிரியதர்சன யாப்பா குறிப்பிட்டார்.

உயர் நீதிமன்றத்தில் இது சம்பந்தமாக வழக்கு தாக்கல் செய்யப்பட்டுள்ளதாக ஊடகங்களின் மூலம் தெரியவந்ததே ஒழிய, வழக்கை பதிவு செய்துள்ளதாக உயர் நீதிமன்ற பதிவாளர் அறிவிக்கவும் இல்லை, உயர் நீதிமன்ற நீதிபதிகள் விசாரணைக்கு எடுத்து கொள்வது என அறிவிக்கவும் இல்லை. இதன் காரணமாக நாடாளுமன்றத்தில் விவாதத்திற்கு எடுத்துக் கொள்ளலாம் என்றார் நாடாளுமன்ற உறுப்பினர் ரவூப் ஹக்கீம்.

இது விவாதத்திற்கு எடுத்துக்கொள்ளப்படுமாயின் தான் பதிலளிக்க தயார் இல்லை என்று அமைச்சர் அநுர பிரியதர்சன யாப்பா தெரிவித்தார்.

நாடாளுமன்ற உறுப்பினர்களினால் கேட்கப்படும் கேள்விகளுக்கு பதிலளிக்காமல் அமைச்சர்கள் நாடாளுமன்றத்தில் இருப்பது அவர்களின் சிறப்புரிமையை மீறும் செயலாகும். பாதுகாப்பு செயலாளரிற்கு பயந்து கொண்டு இவ்விவாதத்திற்கு பதிலளிக்க முடியாது என அமைச்சர் குறிப்பிடுகின்றார்.

எவ்வாறாயினும், இது சம்பந்தமான விவாதம் இன்று மேற்கொள்ளப்பட வேண்டும். அத்துடன் நாடாளுமன்ற உறுப்பினர்களால் கேட்கப்படும் கேள்விகளுக்கு குறிப்பிட்ட அமைச்சர் பதிலளிக்க வேண்டும் என்றார் நாடாளுமன்ற உறுப்பினர் ரவூப் ஹக்கீம்.

எனினும், சபைக்கு தலைமை தாங்கிக்கொண்டிருந்த நாடாளுமன்ற உறுப்பினர் ஏ.எச்.எம் அஸ்வர் நீதிமன்றத்தில் வழக்குத்தாக்கல் மேற்கொள்ளப்பட்டுள்ளமையால் இன்று விவாதிக்க முடியாது. நீதிமன்ற விசாரணைகளின் முடிவடைந்த பிற்பாடு இது சம்பந்தாக விவாதிப்போம் என்று கூறி நாடளுமன்ற அமர்வை எதிர்வரும் 29ஆம் திகதி வரை ஒத்திவைத்தார்.(R.A)