கஹடோவிட

கட்டுரையாக்கம் - Pannawa Sms-

 உலகலாவிய முஸ்லிம்களின் எதிர்ப்பின் காரணமாக, ஐக்கிய அமெரிக்க பொப் இசைப் பாடகியின் பாடல் ஆல்ப...த்தில் இருந்து ‘அல்லாஹ்’ என்ற சொல் தொழிணுட்ப ரீதியாக நீக்கப்பட்டுள்ளது.

KatyPerry எனும் பாடகியின் 'Dark Horse' என்ற பாடல் ஆல்பத்தின் ஒரு பாடல் காட்சியில், அவள் அணிந்திருக்கும் மாலையில் ‘அல்லாஹ்’ என்ற அரபுச் சொல் தொங்கவிடப்பட்டிருந்தது. இக் காட்சி அடங்கிய பாடல் யூடியுப்பில் பதிவேற்றம் செய்யப்பட்டிருந்தது.

இச் செயலைக் கண்டித்து ஐக்கிய ராச்சியத்தின் பிராட்போடு (Bradford, UK) வைச் சேர்ந்த ஷாசாத் இக்பால் Shazad Iqbal என்ற முஸ்லிம் வாலிபன், Change.org என்ற வலைத்தளத்தின் ஊடாக, மேற்படி வீடியோவுக்கு எதிராக முறைப்பாடு ஒன்றுக்காக ஆள்சேர்ப்புப் பணியில் ஈடுபட்டார். அவருடைய முயற்சியின் விளைவாக தற்பொழுது அப் பாடல் காட்சியில் ‘அல்லாஹ்’ என்ற சொல் நீக்கப்பட்டுள்ளது.

‘எல்லோருடைய ஒத்துழைப்பும் கிடைக்காமல் இருந்திருந்தால் இதனை சாத்தியப்படுத்தியிருக்க முடியாது. நான் அனைவருக்கும் நன்றி கூற கடமைப்பட்டிருக்கின்றேன். நமது கோரிக்கை நிறைவேற்றப்பட்டுள்ளது. அனைவருக்கும் அல்லாஹ்தஆலா நல்லருள் பாளிப்பானாக’ என்று ஷாசாத் கூறியுள்ளார். இவ் இணைய முறைப்பாட்டில் 65,000 பாவனையாளர்கள் ஒப்பமிட்டிருந்தனர்.

தகவல் மூலம்: OnIslam(Hisham Hussain, Puttalam)

தெஹிவளை கடவத்தை வீதி தாருஷ் ஷாபியா பள்ளிவாசலினால் பிரதேசத்தின் சமாதானத்திற்குப் பங்கம் ஏற்படுவதாகக் கூறி கொஹுவளை பொலிஸார் கங்கொடவில மஜிஸ்திரேட் நீதிமன்றத்தில் வழக்குத் தாக்கல் செய்துள்ளனர். இது தொடர்பான மேலதிக விசாரணை எதிர்வரும் 6ஆம் திகதி இடம்பெறவுள்ளது. கடந்த 20ஆம் திகதி இந்த வழக்கு தாக்கல் செய்யப்பட்டுள்ளது.

நீண்டகாலமாக கடவத்தை வீதியில் இயங்கிவரும் வக்பு சபையின் அங்கீகாரம் பெற்ற குறித்த பள்ளிவாசலின் சமாதானத்துக்கு பங்கம் ஏற்படுவதாகக் கூறி தண்டனைச் சட்டத்தின் 98/1 ஷரத்தின் கீழே வழக்குத் தாக்கல் செய்யப்பட்டுள்ளது. கடந்த செவ்வாயன்று பாதுகாப்புச் செயலாளர் கோத்தாபய ராஜபக்ஷ கலந்துகொண்ட முஸ்லிம் பிரமுகர்களது கூட்டத்தில் முன்னாள் பாராளுமன்ற உறுப்பினர் எம்.எம். ஸுஹைர் இந்த விடயம் குறித்து பாதுகாப்புச் செயலாளரின் கவனத்துக்கு கொண்டு வந்துள்ளார்.
இதுகுறித்து சிரேஷ்ட பிரதிப் பொலிஸ் மா அதிபர் அநுர சேனாநாயக்கவுடன் தொடர்பு கொண்ட பாதுகாப்புச் செயலாளர் வழக்குத் தாக்கல் செய்யப்பட்டிருப்பது பற்றி விபரங்களைக் கேட்டறிந்துள்ளார். மேலதிக நடவடிகைகள் தொடர்பில் பணிப்புரையை வழங்கினர். இது தொடர்பாக அங்கிருந்த சிரேஷ்ட அமைச்சர் ஏ.எச்.எம். பௌஸி மற்றும் முன்னாள் எம்.பி. ஸுஹைர் ஆகியோருக்கு பிரதிப் பொலிஸ் மா அதிபருடன் தொடர்புகொண்டு நடவடிக்கை எடுக்குமாறு கேட்டுக் கொண்டுள்ளார்.

இதேநேரம் கடந்த புதனன்று முன்னாள் எம்.பி ஸுஹைருடன் தொடர்ப கொண்ட பிரதி பொலிஸ்மா அதிபர் அநுர சேனநாயக்க குறித்த வழக்கினை வாபஸ் பெறுவதற்கு நடவடிக்கை எடுப்பதாகத் தெரிவித்துள்ளார். பிரதேச வாசிகள் எட்டுப் பேர் பள்ளிவாசல் நடவடிக்கைகள் தமக்கு தொல்லைகள் தருவதாக முறைப்பாடு செய்துள்ளதனையடுத்தே பொலிஸார் இந்த வழக்கினைத் தாக்கல் செய்துள்ளனர்.

கடந்த 3 மாத காலமாக இப்பள்ளி வாசலுக்கு பாதுகாப்பு போடப்பட்டுள்ளது. பள்ளிவாசலுக்கு கல்லெறிந்த சம்பவம் ஒன்றை அடுத்தே பாதுகாப்புப் போடப்பட்டது.
இதேநேரம் கடந்த செவ்வாயன்று பிரதேச உயர் பொலிஸ் அதிகாரிகள் பள்ளிவாசலுக்கு விஜயம் செய்து வழக்குத் தாக்கல் செய்திருப்பது பற்றி அறிவித்துள்ளது. புதனன்று காலை சிரேஷ்ட பொலிஸ் அத்தியட்சகர் ரவீந்திர சரபிடிய மற்றும் உதவிப் பொலிஸ் அத்தியட்சகர் கினிகே ஆகியோர் பள்ளிவாசலுக்கு விஜயம் செய்து பொலிஸாரைஇப்பள்ளிவாசலை மூடிவிடுமாறு கேட்டுள்ளார்களா என வினவியுள்ளார். இதுவரை பள்ளிவாசலை மூடிவிடுமாறு கேட்கப்படவில்லை எனத் தெரிவித்ததாக நிர்வாக சபையின் செயலாளர் பிஸ்ருல் ஹாஜி தெரிவித்தார்.

வழக்குப் போடப்பட்டதற்கான பின்னணியையும் இவர்கள் விளக்கியுள்ளார். இதேநேரம், இப்பள்ளிவாசலுக்கு எதிராக தொடரப்பட்டுள்ள வழக்குத் தொடருமாயின் அதனை எதிர்கொள்வதற்கு தாம் தயாராக இருப்பதாக சிரேஷ்ட சட்டத்தரணி சிராஸ் நுர்தீன் தெரிவித்தார்.
வழக்கு தொடர்பாக நீதிமன்றம் இப்பத்திரிகை அச்சுக்குப் போகும்வரை உத்தியோகபூர்வமாக அறிவிக்கவில்லை என்றும் பள்ளிவாசல் செயலாளர் அல்ஹாஜ் பிஸ்ருல் ஹாஜி தெரிவித்தார்.

கடந்த செவ்வாயன்று கூடிய தெஹிவளை பள்ளிவாசல் சம்மேளன மாதாந்தக் கூட்டத்திலும் இது தொடர்பாக ஆராயப்பட்டுள்ளது.

(நவமணி: 28.02.2014)
-NM Ameen-

அட்டன் பொலிஸ் பிரிவிற்குட்பட்ட டிக்கோயா பிரதேசத்தில் தனியார் பஸ் இரண்டு ஒன்றுடன் ஒன்று மோதி விபத்துக்குள்ளாகியதில் 33 பேர் படுகாயத்திற்குள்ளாகிய நிலையில் டிக்கோயா மாவட்ட வைத்தியசாலையில் அனுமதிக்கப்பட்டுள்ளனர்.

கம்பஹா மாவட்டமுன்னால் மேல்மாகாண சபை உறுப்பினரும் தற்போது வேட்பாளர்கவும் கௌரவ ஷாபி ரஹீம் அவர்கள் அத்தனகல்ல பிரதேசத்தில் கஹடோவிட ஒகோடபுலயில் உள்ள இளைஞர்களுக்கு மைதானம் ஒன்று இல்லாதனால் சுற்றி காட்டப்பட்டு மைதானம் ஒன்று பெற்றுகொடுப்பதற்கு கலந்துறையாடி அதை தீர்த்து வைத்து மைதானம் ஒன்று பெற்றுத்தருவதாகவும் அதற்கு தேவையான பணத்தை பெற்றுதறுவதாக உறுதியளித்தார் (2014.02.23)

அதன்போது கம்பஹா மாவட்டமுன்னால் மேல்மாகாண சபை உறுப்பினரும் தற்போது வேட்பாளர்கவும் கௌரவ ஷாபி ரஹீம் அவர்கள் கலந்துதுரையடுவதையும் வேட்பாளரான முஸ்தாக் அவர்களும் ரிஷான்  அவர்களையும் படங்களில் காணலாம்.

 இரவு நித்திரைக்குச் சென்ற மகள் மறுநாள் காலையில் எழும்பவில்லை. உடல் முழுவதும் நீல நிறமான நிலையில் உயிரிழந்து காணப்பட்டதாக அவரது தாயார் தெரிவித்தார். இச்சம்பவம் களுவாஞ்சிக்குடி பொலிஸ் பிரிவிற்குட்பட்ட மகிளூரில் 27-02-2014 வியாழக்கிழமை காலை இடம்பெற்றுள்ளது. இந்தச் சம்பவம் தொடர்பாக மேலும் தெரியவருவதாவது;

பள்ளிவாசல்களும், கத்தோலிக்க ஆலயங்களும் உடைக்கப்படுவதாக சில கட்சிகளும், சமய ரீதியான கட்சிகளும் பாரியளவிலான பிரச்சாரங்களை முன்னெடுத்து வருகின்றன. எங்கே, எவ்வாறு உடைக்கப்பட்டுள்ளன..? இந்த போலி பிரச்சாரங்கள் குறித்து மக்கள் விழிப்புடன் இருக்க வேண்டும் இவ்வாறு ஜனாதிபதி மஹிந்த ராஜபக்ஸ தெரிவித்துள்ளார்,

வடமாகாண முதலமைச்சர் விக்னேஸ்வரன் அண்மையில் 'ஜனாதிபதி சொல்வது ஒன்று செய்வது மற்றொன்று' என்று கூறினார். அப்படியென்றால் பொய்யன் அல்லாது போனால் வேஷக்காரன் என்றுதானே அர்த்தப்படும் அல்லவா? விக்னேஸ்வரனுக்கு அரசியல் முதிர்ச்சி இல்லாவிட்டாலும் அநுபவ முதிர்ச்சி உண்டு. விக்னேஸ்வரன் ஜனாதிபதியை ஒரு போதும் நம்பப் போவதில்லை. இதே கடும்போக்கைக் கொண்டவர்தான் சம்பந்தனும். அவர்கள் ஜனாதிபதியை எடைபோட்ட அளவுக்கு நமது முஸ்லிம் தலைவர்கள் எடைபோடவில்லையென்பது மிகவும் கவலைக்குரிய விடயம். அதற்கு அண்மைய சம்பவம் ஒன்று கூறுகின்றேன். தெஹிவளையில் ஒரு பள்ளிவாசல் தாக்கப்பட்ட போது ஜனாதிபதியிடம் ஒரு முஸ்லிம் பிரதிநிதி முறையிட்டார். அதற்கு ஜனாதிபதி ' ஆ! அப்படியா! இது பற்றி எனக்குத் தெரியாதே! எப்போது? என்றாராம்.

மேல் மாகாண சபை தேர்தலில் கம்பஹா மாவட்டத்தில் போட்டியிடுவதற்கான வேட்பு மனுவை முஸ்லிம் காங்கிரஸ் இன்று திங்கட்கிழமை தாக்கல் செய்தது.
முஸ்லிம் காங்கிரஸின் கம்பஹா மாவட்ட முதன்மை வேட்பாளரும் கம்பஹா மாவட்ட அமைப்பாளரும், முன்னாள் மாகாண சபை உறுப்பினருமான ஷாபி ரஹீம் வேட்பு மனுவை தாக்கல் செய்தார். கம்பஹா மாவட்ட செயலகத்தில் வேட்பு மனு தமாக்கல் இடம்பெற்றது.

இதன் போது, நீர்கொழும்பு மாநகர சபையின் முஸ்லிம் காங்கிரஸ் உறுப்பினரும் கம்பஹா மாவட்ட வேட்பாளருமான ஹீஸான் மற்றும் வேட்பாளர் ஸஹ்ரான் ஆகியோரும் உடன் சமூகமளித்தனர்.

ரஷ்யாவின் சோச்சியில் நிகழ்ந்த குளிர்கால ஒலிம்பிக் போட்டியின் நிறைவு விழாவில் 5 ஒலிம்பிக் வளையங்களில் நான்கு மட்டுமே தென்பட்டது பெரும் விமர்சனத்திற்குள்ளாகியுள்ளது.
ரஷ்யாவின் 22வது குளிர்கால ஒலிம்பிக் போட்டிகள் நேற்று முன்தினம் நிறைவிற்கு வந்தது.



இந்நிலையில் வானவேடிக்கைகளுடன் நடந்த நிறைவு விழாவின் போது, சுவிசின் பனிச்சறுக்கு வீராங்கனை பாட்ரிசியா கும்மர் தங்கள் நாட்டின் கொடியை ஏந்தியவாறு நடந்து வந்தார்.

அப்போது நேர்ந்த மின்னணு கோளாரின் காரணமாக 5 வளையங்களுடன் தோற்றமளிக்கும் ஒலிம்பிக் சின்னம் 4 வளையங்களை மட்டுமே கொண்டு தோன்றியது.
இதனை 40,000 பார்வையாளர்கள் கண்டதுடன் ”மற்றொரு வளையம் எங்கே” என மிக கிண்டாலாக விமர்சிக்க தொடங்கினர்.

மேலும் இச்சம்பவம் ரஷ்ய ஜனாதிபதி புட்டினையும் பெரும் சிரிப்பினில் ஆழ்த்தியது.

கஹடோவிட வானையைச்  சேர்ந்த  முஹம்மத் உஸ்மான் நானா அவர்கள் காலமானார். இன்னாலில்லாஹி வஇன்னா இலைஹி ரஜிஊன். 

அன்னார் சகோதரி பாதினாச்சி, காலம் சென்ற தாஹா ஆகியோரின் அன்புப் புதல்வரும், நூமான், ஹுசைன், அல்ஹாஜ் அலவி, அல்ஹாஜ் இஸ்மாயல் (ஸஸி கோலட் ஹொவுஸ்) ஆகியோரின் சகோதரரும், ரிப்கான் (குவைட்), சியாம் (ஸஸி கோலட் ஹொவுஸ்) ஆகியோரின் அன்புத் தந்தையும் ஆவர். 

அனனாரின் ஜனாஸா நாளை ( 25.02.2014) காலை 9.00 மணியளவில் முஹியத்தீன் ஜும்ஆப் பள்ளிவாசல் மையவாடியில் நல்லடக்கம் செய்யப்படும்.

இறைவா! இவரை மன்னிப்பாயாக! இவருக்கு அருள்புரிவாயாக! இவருக்கு சுகம் அளிப்பாயாக! இவரது தவறுகளை அலட்சியப்படுத்துவாயாக! இவரது தங்குமிடத்தை மதிப்புமிக்கதாக ஆக்குவாயாக! மேலும் விசாலமானதாக இவரது நுழைவிடத்தை ஆக்குவாயாக! வெண்மையான ஆடை அழுக்குகளிலிருந்து தூய்மைப்படுத்துவதுபோல் இவரை இவரது தவறுகளிலிருந்து தண்ணீராலும் ஆலங்கட்டி நீராலும் பனிக்கட்டியாலும் தூய்மையாக்குவாயாக! இவரது இல்லத்தை விட சிறந்த இல்லத்தை (மறுமையில்) அளிப்பாயாக! இவரது துணையைவிட சிறந்த துணையை இவருக்கு ஏற்படுத்துவாயாக! இவரைச் சுவனத்தில் நுழையச் செய்து கப்ருடைய வேதனை, நரகவேதனை ஆகியவற்றிலிருந்து காப்பாற்றுவாயாக!

வெளிநாட்டு தலையீடு என்பது இனங்களுக்கிடையிலான விரிசலை மேலும் அதிகரிக்கும் என கூறிக்கொண்டே இலங்கை முஸ்லிம்களின் பிரச்சினைகளை தாமும் சர்வதேசத்தின் முன் வைப்பதாக முஸ்லிம் காங்கிரஸ் தலைவர் ரஊப் ஹக்கீம் கூறுவது முரண்பாடானதாகும் என உலமா கட்சித்தலைவர் முபாறக் மௌலவி தெரிவித்துள்ளார்.

இதுவிடயமாக அவர் மேலும் தெரிவித்ததாவது,

அண்மையில் இலங்கை வந்திருந்த ஐக்கிய நாடுகள் சபையின் அரசியல் விவகார திணைக்களத்தின் ஆசிய பசுபிக் பிராந்திய தலைவியை சந்தித்த போது வெளிநாட்டு தலையீடு பிரச்சினையை அதிகரிக்கும் என ஹக்கீம் கூறியுள்ளார். அதே வேளை தேசிய சுதந்திர முன்னணியின் உறுப்பினரின் கருத்துக்கு பதில் தரும் போது முஸ்லிம் சமூகம் அண்மைக்காலமாக எதிர் நோக்கும் தாக்குதல்கள் பற்றிய விபரங்களை தமது கட்சியும் சர்வதேசத்திடம் முன்வைத்துள்ளதாக பகிரங்கமாக கூறியிருந்தார்.

    இத்தகைய இரண்டு முரண்பட்ட கருத்துக்கள் மூலம் ரஊப் ஹக்கீம், அரசாங்கத்தையும் முஸ்லிம்களையும் சமாளித்துக்கொண்டு தமது பதவியை காக்க முற்படுகிறார் என்பது தெளிவாக தெரிகிறது.
    இன்று தமிழ் மக்கள் தமக்கான தீர்வை இந்த நாட்டில் பெறமுடியாது என்பதை உணர்ந்த பின்னரே தமது பிரச்சினைகளை சர்வதேசத்தின் முன் கொண்டு வந்துள்ளனர். இந்த நிலையில் அரசாங்கத்துக்கு முஸ்லிம்கள் பூரண விசுவாசமாக இருந்தும் முஸ்லிம்களின் 27 பள்ளிகளுக்கு மேல் தாக்கப்பட்டுள்ளன. ஹலால் சான்றிதழ் நிறுத்தப்பட்டது. பள்ளிவாயல் கட்டுவதாயின் புத்த சாசன அமைச்சின் கால்களில் விழ வேண்டுமென்று சட்டம் கொண்டு வரப்பட்டுள்ளது. அடையாள அட்டையில் முஸ்லிம்கள் தமது காலாசார ஆடைகளை அணிய முடியாது எனும் சட்டம் என பல அநியியாங்களை முஸ்லிம் சமூகம் எதிர் நோக்கும் போது முஸ்லிம் கட்சித்தலைவர்களும், அவர்களின் உறுப்பினர்களும் இவை எதனையும் தடுத்து நிறுத்த முடியாத கையாலாகாதவர்களாய் இருந்து கொண்டு தமது பதவிகளை காப்பதற்காக சர்வதேசத்தை நாம் நாட முடியாது என புத்திமதி கூறிக்கொண்டிருப்பது அப்பட்டமான சுயநலனாகும்.

    ஒரு சமூகம் உள்நாட்டில் பிரச்சினைகளை எதிர் நோக்கும் போது உள்நாட்டில் அதற்கான தீர்வை தேடும். ஆனால் பிரச்சினையை ஏற்படுத்துபவர்களே ஆட்சியாளர்களாக இருந்தால் எங்கே போய் தீர்வைத் தேடுவது என்று கூட புரியாதவர்களாய் நமது முஸ்லிம் அமைச்சர்கள் ஜால்ரா அடித்துக்கொண்டிருப்பது இருப்பது சமூகத்தின் மிகக்கேவலமான நிலையாகும்.

    ஆகவே முஸ்லிம் அமைச்சர்களின் தலைமைகளிலான கட்சிகள் முஸ்லிம்கள் பிரச்சினைகளை தீர்க்க  சர்வதேசத்தை நாடாத போதும் தமிழ் மக்கள் தமக்கான வெளிநாட்டு தீர்வை எதிர் பார்ப்பதை தயவு செய்து அரச கடைக்கண் பார்வைக்காக கொச்சைப்படுத்த வேண்டாம் என கேட்டுக்கொள்கிறோம்.

எஸ்.அஷ்ரப்கான்.

சிங்கள பௌத்த இயக்கமான பொதுபல சேனா இயக்கத்தில் பிளவு ஏற்பட்டுள்ளதாகத் தெரிவிக்கப்படுகிறது. அந்த இயக்கத்தைச் சேர்ந்த சிலரது உறுப்புரிமை ரத்து செய்யப்பட்டுள்ளது.

இயக்கத்தின் நோக்கங்களுக்கு புறம்பான வகையில் செயற்பட்ட எட்டு பௌத்த பிக்குகள் இவ்வாறு உறுப்புரிமையிலிருந்து நீக்கப்பட்டுள்ளனர்.


இவ்வாறு நீக்கப்பட்ட எட்டு பௌத்த பிக்குகளும் காவி உடையை துறக்கப் போவதாக எச்சரித்துள்ளனர். தமக்கு இழைக்கப்பட்டுள்ள அநீதிக்கு தீர்வு வழங்கப்படாவிட்டால், காவி உடையை துறக்கப் போவதாக தெரிவித்துள்னர். மேலும், காவி உடையைத் துறந்து உயிரை மாய்த்துக் கொள்ளப் போவதாக குறித்த எட்டு பௌத்த பிக்குகளும் தெரிவித்துள்ளனர்.

இயக்கத்தின் பொதுச் செயலாளர் கலபொடத்தே ஞானசார தேரர், தனிப்பட்ட குரோதம் காரணமாக தம்மை பழிவாங்கி வருவதாக உறுப்புரிமை நீக்கப்பட்ட பௌத்த பிக்குகள் குற்றம் சுமத்தியுள்ளனர். எந்தவொரு விஹாரையிலும் தமக்கு தங்க இடம் கிடைக்கவில்லை எனத் தெரிவித்துள்ளனர்.

கலபொடத்தே ஞானசார தேரர் பணத்திற்காக இவ்வாறன செயல்களில் ஈடுபடுகின்றாரா என்ற சந்தேகம் எழுந்துள்ளது என பாதிக்கப்பட்டதாக மெலவ்வே கல்யானதம்ம தேரர் தெரிவித்துள்ளார்.

Jaffna Muslim

விண்வெளியில் ஏராளமான விண்கற்கள் உள்ளன. புவி ஈர்ப்பு விசை இல்லாததால் விண்வெளியில் மிதக்கின்றன. அவற்றில் சில காற்று மண்டலத்துக்குள் புகுந்தவுடன் புவி ஈர்ப்பு விசை காரணமாக பூமியில் விழுகின்றன. இவ்வாறு விழும் பெரும்பாலானவை எரிந்து சாம்பலாகிவிடும். ஒரு சில கல் பூமியில் விழுந்து பெரும் பாதிப்பை ஏற்படுத்துகின்றன. இது போன்ற ஒரு பெரிய விண்கல் கடந்த ஆண்டு ரஷியாவில் விழுந்தது. அதில் 1200 பேர் காயம் அடைந்தனர்.



இது போன்ற மற்றொரு ராட்சத கல் தற்போது பூமியை நோக்கி பாய்ந்து வருகிறது. இது 3 கால்பந்து மைதானம் அளவு பெரியது. அது மணிக்கு 43 ஆயிரம் கி.மீட்டர் வேகத்தில் பறந்து வருகிறது. இதற்கு 2000 இ.எம்.26 என பெயரிட்டுள்ளனர். இது பூமிக்கு அருகே வந்து கொண்டிருக்கிறது. இந்த விண்கல் வருகிற திங்கட்கிழமை (24–ந் தேதி) பூமியை தாக்கும் என எதிர்பார்க்கப்படுகிறது. ‘‘ரொபோடிக் டெலஸ்கோப்’’ மூலம் இந்த விண்கல்லை விஞ்ஞானிகள் கண்டு பிடித்தனர். இத்தகவல் ஸ்தூக் டாட் காம் என்ற இணையதளத்தில் வெளியாகி உள்ளது.

கஹட்டகஸ்திகிலிய பகுதியிலுள்ள பாடசாலையில் கல்விப்பயிலும் மாணவிகளில் 8 பேரை துஷ்பிரயோகம் செய்ததாக கூறப்படும் உப-ஆசிரியர் ஒருவரை சந்தேகத்தின் பேரில் கைது செய்துள்ளதாக பொலிஸார் தெரிவித்தனர்.

குறித்த பாடசாலையில் கற்பித்த உப- ஆசிரியர் கடந்த பல மாதங்களாக இந்த 8 மாணவிகளையும் துஷ்பிரயோகத்திற்கு உட்படுத்தியுள்ளார் என்று தெரியவந்துள்ளதாக பொலிஸார் தெரிவித்தனர்.

சந்தேகநபரான உப-ஆசிரியர் அந்த பிரதேசத்திலேயே வேறு ஒரு பாடசாலைக்கு மாற்றம் பெற்று சென்றிருந்த நிலையிலேயே அவரை கைது செய்துள்ளதாக பொலிஸார் தெரிவித்தனர்.

x/25 524376 என்ற இலக்கம் கொண்ட 500 ரூபா நாணயத்தாள்கள் குறித்து அவதானமாக இருக்குமாறு பொலிஸார் அறிவுறுத்தியுள்ளனர்.

கொழும்பு குற்றப்பிரிவினரால் மேற்கொள்ளப்பட்ட விஷேட சுற்றிவளைப்பு தேடுதலின் போது 2 இலட்சத்து 65 ஆயிரம் பெறுமதியான 500 ரூபா போலி நாணயத்தாள்கள் 530 ஐ வைத்திருந்த ஒருவரை பியகம பிரதேசத்தில் வைத்து கைது செய்தததாக பொலிஸார் அறிவித்தனர்.

சந்தேகநபரிடம் மேற்கொண்ட விசாரணைகளின் போது 500 ரூபா போலி நாணயத்தாள்கள் 1800 அச்சடிக்கப்பட்டுள்ளதாவும் அதன் பெறுமதி 9 இலட்சம் ரூபா என்றும் தெரியவந்துள்ளது.

அவ்வாறான நாணயத்தாள்கள் புழக்கத்தில் விடப்பட்டமையால் மக்கள் அவதானமாக இருக்குமாறு தங்களுடைய கைகளுக்கு வரும் 500 ரூபா தாள்கள் போலியானதாக இருப்பின் அருகிலுள்ள பொலிஸ் நிலையத்தில் முறையிடுமாறும் பொலிஸார் கேட்டுக்கொண்டுள்ளனர்.

பொதுபலசேனாவின் அச்சுறுத்தல் காரணமாக மஹிங்கனை விகாரையின் பிரதம தேரர் வடரேக விஜித தேரர் இன்னமும் தலைமறைவான நிலையிலேயே காணப்படுகிறார். இந்நிலையில் பௌத்த நாட்டின் பிக்கு ஒருவருக்கு இந்நிலைமையென்றால் நாட்டின் சிறுப்பான்மையினத்தவரின் நிலைமை என்னவாக இருக்கும் என தேசிய ஐக்கிய முன்னணியின் தலைவரும் மத்திய மாகாண சபை உறுப்பினருமான அஸாத் சாலி கேள்வியெழுப்பினார்.

துருக்கி நாட்டில் பிரயாணம் செய்த ஹங்கேரியிலுள்ள ஜோப்பிகா பகுதியின் ஜனாதிபதி கேபர் வோனா, "மனிதாபிமானத்தின் இறுதி நம்பிக்கை இஸ்லாம் மட்டுமே" என இஸ்லாமிய மதத்தைப் புகழ்ந்து தள்ளியுள்ளார்.

ஹங்கேரியின் பிரபரல அரசியல்வாதிகளுள் ஒருவர் கேபர் ஓனா. இவர் ஜோப்பிகா பகுதியின் ஜனாதிபதியாக பதவியேற்றதன் பின்னர் அரசுமுறை பயணமாக துருக்கி செல்ல நேர்ந்தது. இஸ்லாமிய மதத்தின்மீது வெறுப்புகொண்டிருந்த ஓனா, துருக்கி செல்வதற்கு விரும்பவில்லை. எனினும் அரசியல் நிர்பந்தம் காரணமாக வேண்டா வெறுப்பாக துருக்கி சென்றார்.

ஆனால், துருக்கி நாட்டையும் அங்குள்ள பல்கலை கழகங்களையும் சுற்றுப்பார்த்த வோனா அதுவரை தாம் கொண்டிருந்த நிலைபாடுகளுக்கு மாற்றமாக பத்திரிகையாளர்களிடம் முஸ்லிம்களைப் புகழ்ந்து தள்ளியிருக்கிறார்.

அவர் பத்திரிகையாளர்களிடம் பேசும்போது, " நான் துருக்கியுடன் நட்புறவு வைக்கவோ அல்லது பொருளாதார ஒப்பந்தம் செய்யவோ இங்கு வரவில்லை. ஆனால் இங்கு வந்து இங்குள்ள மக்களைப் பார்த்த பிறகு, மேற்குலகம் இவர்களைப் பற்றி கூறிய அனைத்தும் பொய்யாக இருப்பதைக் கண்டுகொண்டேன். இனிமேல் துருக்கி மற்றும் துரானியன் மக்களான Azerbaijanis மக்களை பற்றி மேற்குலகம் அவதூறு பேசுவதை என்னால் ஏற்க முடியாது.

சகோதரத்துவம், குடும்ப அமைப்புகள், பண்பாடு மற்றும் கலாச்சாரத்தைக் காக்கும் பண்பு, நாட்டுப் பற்று போன்ற பல அம்சங்களை அந்த மக்களிடம் நான் கண்டேன். துருக்கி மக்களை எடுத்துகாட்டாக எடுத்து கொண்டு ஹங்கேரி மக்கள் வாழ வேண்டும் என ஆசை படுகிறேன்."

என்று கூறினார்.

இது மட்டுமன்றி தன்னுடைய அதிகாரப்பூர்வ இணையதளத்தில்,

"உலகத்தில் இஸ்லாம் மிகவும் முக்கியத்துவம் வாய்ந்தது.

ஆப்ரிக்காவிற்கு இன்றைய காலத்தில் அதிகாரம் இல்லை. ஆஸ்திரேலியா மற்றும் தென் அமெரிக்காவின் சூழ்ச்சிகளால் மிகவும் நெருக்கடியான நிலையில் இன்று அந்த மக்கள் தம் அடையாளங்களைத் தொலைத்து வருகிறார்கள்.

நான் கண்டவரை தனது கலாச்சாரத்தை, பண்பாட்டைத் தொலைக்காமல் கையில் ஏந்தி வரும் ஒரே சமூகம் இஸ்லாமிய சமூகம் மட்டும்தான். இனிமேல் எனது வாழ்வை இஸ்லாமின் வழிகாட்டலின் படி வாழும் முஸ்லிம்களைப் போல் அமைத்து கொள்ள ஆசைபடுகிறேன்" என்று தெரிவித்துள்ளார்.

ஓனாவின் இத்திடீர் மாற்றம் ஹங்கேரி அரசியலில் புயலைக் கிளப்பிவருகிறது.

- தானிஷ், சவூதி

Jaffnamuslim 

மேற்படி தலைப்பில் ஒரு தகவல் பேஸ்புக்கிலும் இணையத்தளங்களிலும் மிக வேகமாக பரப்பப்பட்டுக்கொண்டிருக்கிறது. இதனை சில இணையத்தளங்களும், முகநூல் குழுமங்களும் எவ்வித ஆதாரமும் இன்றி, கொஞ்சமும் ஆராயாமல் வெளியிட்டு வருகின்றன.

 

Central African Republic (CAR) என்று அழைக்கப்படும் மத்திய ஆப்ரிக்க குடியரசு ஆப்ரிக்க நாடுகளில் ஒன்று. சூடான் மற்றும் சாட் ஆகியவற்றை எல்லைகளாக கொண்ட நாடு.பிரஞ்சு காலனி ஆதிக்கத...்தில் இருந்து 1960 ஆம் ஆண்டில் சுதந்திரம் பெற்றது... கிடத்தட்ட 50 இலட்சம் மக்களை தொகையை கொண்ட நாடு.. இந்நாட்டில் 80% மக்கள் கிறிஸ்துவர்கள்.15% மக்கள் முஸ்லிம்கள்..

கடந்த 2013 ஆம் ஆண்டு டிசம்பர் மாதம் துவங்கிய முஸ்லிம்களுக்கு எதிரான திட்டமிட்ட இனப்படுகொலையை anti-Balaka என்ற கிறித்துவ பயங்கரவாத குழு துவங்கி இன்றுவரை லட்சக்கணக்கான மக்கள் தங்களின் இருப்பிடங்களை விட்டுவிட்டு அகதிகளாக வெளியேற்றப்பட்டுள்ளனர்.. ஆயிரக்கணகான மக்கள் கொல்லப்பட்டுள்ளனர்..

Amnesty International அறிக்கையின் படி முஸ்லிம்கள் திட்டமிட்ட இனப்படுகொலைக்கு உள்ளாக்கப்பட்டுள்ளனர்..மேலும் முஸ்லிம்கள் தங்களின் இருப்பிடங்களில் இருந்து வலுக்கட்டாயமாக வெளியேற்றப்பட்டுள்ளனர்.. நூற்றுக்கனகான முஸ்லிம்களை வெளியேற விடாமல் கிறிஸ்துவ தீவிரவாத குழுக்கள் கொன்று குவித்துள்ளதாகவும் , தீயிட்டு கொளுத்துவதாகவும் , தன்னார்வு குழுக்களை பாதிக்கப்பட்டவர்களுக்கு உதவிகள் செய்யவிடாமல் தடுத்து வருவதாகவும் தெரிவித்துள்ளனர்..மேலும் இந்த படுகொலைகளை ஒடுக்க பிரஞ்சு ராணுவம் தங்களது 5000 படைகளை அனுப்பியுள்ளது..ஆனால் இந்த படைகளும் கூட வெறும் 50 மீட்டர் தூரத்தில் நடத்தப்பட்ட படுகொலைகளை கூட தடுப்பதாக இல்லை என்றும் அறிக்கை வெளியிட்டுள்ளது.

மேலும் பல நாட்டு தன்னார்வு குழுக்கள் தங்களின் பாதுகாப்பு கருதி நாட்டை விட்டு வெளியேறி வருகின்றன..மேலும் ஐநா சபை பிரஞ்சு அரசு மேலும் ராணுவத்தை அனுப்புமாறு கேட்டுக்கொண்டுள்ளது ..

இந்த படுகொலை குறித்து கருத்து தெரிவித்துள்ள அந்நாட்டின் பெண் அதிபர் Catherine Samba-Panza கிறித்துவ தீவிரவாத குழுக்களுக்கு எதிரான போர் துவங்கிவிட்டதாக அறிவித்துள்ளார்.மேலும் இந்நாட்டின் பூர்வீக குடிமக்களான முஸ்லிம்களுக்கு எதிரான திட்டமிட்ட இன அழிப்பை கிறிஸ்துவ தீவிரவாத குழுக்கள் அரங்கேற்றி வருவதாக குறிப்பிட்டுள்ளார்....மேலும் அவர் கூறுகையில் தன்னை ஒரு பெண் என்பதால் பலகீனமானவராக நினைத்து வருகின்றனர்..ஆனால் தற்பொழுது அவர்களாகவே தங்கள் அழிவை தேடுகின்றனர் என்று அறிவித்துள்ளார்..

இதில் வேடிக்கை என்னவெனில் பல மாதமாக தொடர்சியாக முஸ்லிம்களுக்கு எதிராக நடந்து வரும் இன அழிப்பை பற்றி எந்த ஒரு ஊடகமும் செய்திகளை வெளியிடாமல் திட்டமிட்டு மறைத்து வருகின்றன.. ஒரு வேலை பாதிக்கப்பட்டுக்கொண்டிருப்பது முஸ்லிம்கள் சமூகம் தானே என்ற எண்ணமாக கூட இருக்கலாம்..எப்படி பர்மா , செஞ்சியான் , செசன்யா , பாலஸ்தீன் , ஈராக் , சிரியா , ஆப்கன் , சோமாலியா , மாலி இன்னும் பல பகுதிகளில் முஸ்லிம்கள் பாதிக்கப்படும் போது கள்ள மவ்னத்தை மட்டும் பதிலாக கொண்டு செயல்படுவார்களோ அதை போன்ற நிலை தான் இன்று CAR யிலும்..ஆனால் அதே நேரத்தில் குண்டு வெடிப்புக்களின் மூலம் அப்பாவி மக்கள் இறந்து யார் காரணம் என்றே தெரியாவிட்டாலும் கூட அந்த செய்தியை கூட பல நாட்களுக்கு முஸ்லிம் தீவிரவாதிகள் வெறிச்செயல் என்று வெளியிட மட்டும் வெக்கப்படுவதில்லை.. கேடு கெட்ட ஊடகங்கள 

குடி தண்ணீரைப் பணம் கொடுத்து வாங்க வேண்டிய துர்பாக்கிய நிலை ஏற்படும் என்பதை நாம் கனவில் கூட நினைத்து பார்த்திருக்க மாட்டோம்.

அந்த காலங்களில் ஊர் தோறும் நல்ல தண்ணீர் கிணறுகள். கு...ளங்கள், நீர் தேக்கங்கள் இப்படியாக சுத்தமான குடி நீரை மக்கள் அருந்தி வந்தனர்.

இன்றோ, வீடுகள் தோறும் மினரல் வாட்டர் கேன்கள், பாக்கெட் வாட்டர், பாட்டால் வாட்டர், என்று தண்ணீரை காசு கொடுத்து வாங்கி குடிக்க வேண்டிய அவல நிலை.

தண்ணீர் மனிதர்களின் அடிப்படை ‘உரிமை’ இதை பணம் கொடுத்தால் மட்டும் கிடைக்கும் பொருளாக்கி விட்டனர் இந்த கார்பரேட் கொள்ளையர்கள். உலகம் முழுவதும் தண்ணீர் இன்று ஒரு தலை சிறந்த பிசினெஸ்.

1992ல் நடைபெற்ற சர்வதேச நீர் மற்றும் சுற்றுச்சூழல் மாநாடு நீருக்குப் பொருளாதார மதிப்பு உள்ளது. எனவே இதை ஒரு வணிகப்பண்டமாகப் பாவிக்க வேண்டும் என்று தீர்மானம் நிறைவேற்றியது என்றால் பார்த்து கொள்ளுங்களேன்

உலகின் பல பகுதிகளில் நல்ல தண்ணீர் அதாவது குடி தண்ணீர் பற்றாக்குறை, காணப்படுகிறது. இதற்க்கு காரணம் குடிதண்ணீர் வேகமாக மாசு அடைந்து வருவதே. தொழிற்சாலைக் கழிவுகள், காடுகள் அழிப்பு, சுற்று சூழல் மாசுபடுதல் இவற்றால் நல்ல தண்ணீர் வளங்கள் அழிந்து குடி தண்ணீருக்கு பெரும் தட்டுபாடு நிலவி வருகிறது.

கச்சா எண்ணெய்யை சுத்திகரிப்பது போல் தண்ணீரை சுத்திகரிக்க தேவையில்லை. லைப் வாட்டர், அக்வாஃபினா, பிஸ்லரி, பெய்லி, நெஸ்ட்வேயின் பவர் லைஃப், பார்லே, கேரிகோ போன்ற நிறுவனங்களின் தண்ணீரில் ஆர்கட்னா குளோரின், ஆர்கட்னா பாஸ்பரஸ் என்ற நச்சு பூச்சிக் கொல்லி மருந்து கலக்கப்படுகிறது. அது மட்டுமல்லாது மினரல் வாட்டர் என்கிற பெயரில் விற்கப்படும் தண்ணீர்கள் முறைப்படி சுத்திகரிக்கப்பட்டதும் அல்ல.

மேலும் இந்த தண்ணீரை அருந்துவதன் மூலம் கேன்சர் போன்ற ஆள் கொல்லி நோய்கள் ஏற்படுகின்றன. இதனால் மக்கள் இந்த மினரல் வாட்டரை குடிப்பதை தவிர்க்க வேண்டும். இதற்க்கு பதிலாக தரம் வாய்ந்த பில்ட்டர்களை வாங்கி நமது கார்பரேசன் வாட்டரை பில்ட்டர் செய்து குடித்தல் அதுவே போதுமானது. அல்லது தண்ணீரை நன்றாக கொதிக்க வைத்து அதில் சீரகம் அல்லது பெரும் சீரகம் இட்டு அருந்தலாம். சுருங்க சொன்னால் மண்பானையில் துளசி இலைகளை போட்டு தண்ணீரை தேக்கி அருந்தி வருவது மிகவும் நன்மைபயக்க கூடியது.

பாதுகாக்கப்பட்ட குடிநீர் குறித்து டாக்டர் புகழேந்தி கூறுகையில், 'தண்ணீர் வியாபாரத்தில் அதிகப்படியான வருவாய் கிடைப்பதால் அது தனிநபர் சொத்தாக மாறிவிட்டது. தனியார் நிறுவனங்கள் பெருமளவில் நீரை உறிஞ்சி விற்பனை செய்கின்றன. தண்ணீரில் பாக்டீரியா உள்ளிட்ட கிருமிகள் இருக்கக் கூடாது. குறிப்பிட்ட அளவுக்கு தாது உப்புக்கள் இருக்க வேண்டும். இதை உறுதிப்படுத்த, தண்ணீர் நிறுவனங்கள் பரிசோதனை செய்யும். இந்தப் பரிசோதனை எந்த அளவுக்கு உண்மையானது என்பது மக்களுக்கு எப்படித் தெரியும்? இதை அவ்வப்போது வெளிப்படையாக மக்கள் முன்னிலையில் செய்வதன் மூலம் தான் அது பாதுகாப்பான குடிநீரா என்பது தெரியவரும்.

உலகில் 23 சதவிகித நோய்கள் நீர் மூலம் ஏற்படுவதாக உலக சுகாதார நிறுவனம் கூறுகிறது. வயிற்றுப்போக்கு ஆரம்பித்து, ஹெபாடைடிஸ் வரையிலும் பல நோய்கள் ஏற்படுகிறது. பாதுகாப்பாக ஸ்டோரேஜ் செய்யவில்லை எனில் எலிக் காய்ச்சல் உள்ளிட்ட பல்வேறு நோய்கள் ஏற்படுவதற்கான வாய்ப்பும் உள்ளது. மேலும், பல நிறுவனங்கள் சுத்திகரிப்பு ஏதும் செய்யாமல் நேரடியாக கேன்களில் நீரைப் பிடித்து விற்பதாகவும் குற்றச்சாட்டுகள் உள்ளன. பாதுகாப்பை உறுதிப்படுத்தவேண்டியது அரசின் கடமை' என்றார்.

எப்படி கண்டறிவது?

பாட்டில் தண்ணீர் பாதுகாப்பானதுதானா என்பதை ஆய்வகங்களில் மட்டுமே கண்டறிய முடியும். நீங்கள் வாங்கும் கேன் தண்ணீரின் நிறம் கலங்கலாக இருந்தாலோ, சுவையில் மாறுபாடு இருந்தாலோ அது சுத்திகரிக்கப்பட்ட நீராக இருக்காது. இதுபற்றி உடனே பி.ஐ.எஸ்.-ல் (Bureau of Indian Standards-BIS)புகார் தெரிவிக்கலாம்.

உலக அளவில் குடிநீர் விற்பனை செய்யும் நாடுகளின் பட்டியலில் இந்தியா 9-வது இடத்தில் உள்ளது. விரைவில் 'இது முதல் இடத்துக்கு வந்துவிடும்’ என்று கணிக்கப்பட்டுள்ளது. ஆனால், மனித வள மேம்பாட்டுக் குறியீட்டில் இந்தியா 128-வது இடத்தில் உள்ளது.

சென்னை 'மெட்ரோ வாட்டர்’ நீரின் தரம்பற்றி ஆங்கில நாளிதழ் ஒன்று தகவல் அறியும் உரிமைச் சட்டத்தின்படி கேள்விகள் கேட்டது. இதற்கு சென்னை மாநகராட்சி அளித்த பதில், '2007-ம் ஆண்டு முதல் தோராயமாக மேற்கொள்ளப்பட்ட 440 பரிசோதனைகளிலும் அந்த நீர் 'குடிக்க தகுதியற்றது’ எனத் தெரியவந்தது' என்பதாகும்.

- பா.பிரவீன் குமார் @ டாக்டர் விகடன்

Sources : http://www.sinthikkavum.net/search/label/மருத்துவம்

தலிபான் இயக்கத்தின் பிரதிநிதிகளுடன் பாகிஸ்தான் அரசு தற்போது பேச்சுவார்த்தையில் ஈடுபட்டுள்ளது. ஆயிரக்கணக்கானோரைப் பலிவாங்கிய கிளர்ச்சிகளை முடிவுக்குக் கொண்டு வரும் விதத்தில் இருதரப்பினரும் பூர்வாங்கப் பேச்சுவார்த்தைகளை நடத்தியுள்ளனர்.

கடந்த மாதம் அமெரிக்காவில் பனிப்புயல் வீசியது. இதனால் கடுமையாக பனி கொட்டியது. மின்சாரம் மற்றும் தகவல் தொடர்பு துண்டிக்கப்பட்டு பொது மக்கள் பாதிப்பு அடைந்தனர்.

பேஸ்புக் தளம் தற்போது நமது அன்றாட வாழ்வில் ஒன்றாக மாறி வருகிறது. கோடிக்கணக்கான பயனர்கள் இருக்கும் பேஸ்புக் தளத்தில் பல ஏமாற்றுப் பேர்வழிகளும் சுற்றிக் கொண்டு தான் இருக்கின்றனர்.  அத்தகையவர்களில் ஒரு வகையினர் பற்றி தற்போது பார்ப்போம்.

1. உங்கள் நண்பர்கள் கணக்கை ஹேக் செய்ய, உங்கள் ப்ரொபைலை யார் பார்த்தார்கள் என்று அறிய, வித்தியாசமான பேஸ்புக் தீம் என்று பல்வேறுவிதமாக கூறி ஒரு புகைப்படத்தில் சுட்டி (Link)  கொடுத்து நிரல்களைக் கொடுப்பார்கள்.
2. அதனை உங்கள் நண்பர்கள் பேஸ்புக் ப்ரொபைலுக்கு சென்றோ, அல்லது பேஸ்புக் முகப்பு பக்கத்திலோ பயன்படுத்துமாறு வழிமுறைகளை சொல்வார்கள்.
3. அப்படி நீங்கள் செய்தால் உங்கள் பேஸ்புக் பக்கம் வித்தியாசமான தீமுக்கு மாறும். இது உங்கள் கணக்கு ஹேக் செய்யப்பட்டதற்கான அறிகுறி (உங்கள் நண்பர்கள் கணக்கு அல்ல!).
4. பிறகு ஸ்டெப் ஒன்றில் சொன்ன புகைப்படத்தில் உங்கள் கணக்கு மூலம் உங்கள் நண்பர்கள் பெயர்கள் தானாக டேக் செய்யப்படும்.
5. பிறகு உங்கள் நண்பர்கள் ஸ்டெப் ஒன்று முதல் செய்யத் தொடங்குவார்கள்.

புவியியல் தன்மையில் எரிமலை வளையத்தைச் சேர்ந்த இந்தோனேசிய நாட்டில் 150 எரிமலைகள் உள்ளன.

அவற்றுள், இன்னும் 130 எரிமலைகள் செயல்படும் தன்மையுடன் உள்ளதாக வல்லுனர்கள் தெரிவிக்கின்றனர்.

இந்த எரிமலைகளுள் ஒன்றான 1,731 மீட்டர் உயரமுடைய கெலட் கடந்த சில வாரங்களாகவே குமுறிக் கொண்டிருந்துள்ளது.

இதன் காரணமாக அந்த எரிமலையிலிருந்து 10 கி.மீ சுற்றளவில் உள்ள 36 கிராமங்களில் வாழ்ந்துவரும் 2 லட்சம் மக்களை பாதுகாப்பான இடங்களுக்குச் செல்லும்படி அரசு அதிகாரிகள் தெரிவித்திருந்தனர்.

இந்த நிலையில் நேற்று இரவு அந்த எரிமலை சீறியுள்ளது. அது வெடித்துச் சிதறிய சப்தம் 130 கி.மீ தொலைவில் உள்ள நாட்டின் இரண்டாவது பெரிய நகரமான சுரபயாவிலும், அதற்கு அப்பால் உள்ள ஜோக்யகர்டாவிலும் கேட்டுள்ளது.

அந்த சீற்றத்தில் வெளியேறிய சாம்பல் படிவங்கள் இந்த நகரங்களின் தெருக்கள் முழுவதும் பரவியுள்ளன.
எரிமலையை ஒட்டியுள்ள பண்ணைகளில் இருக்கும் விலங்குகள் முழுவதும் சாம்பல் படிந்து காணப்படுவதை ஊடக நிகழ்ச்சிகள் வெளிப்படுத்தின.
இன்று காலை பரவிய சூரிய வெளிச்சத்தில் எரிமலை சீற்றத்தின் பாதிப்பு வெகுதூரம் வரை பரவியிருந்தது தெரிய வந்தது.

எரிமலை சாம்பலும், அதன் விளைவாக எழுந்துள்ள தூசு மண்டலமும் பார்வைத்தன்மையை வெகுவாகக் குறைத்துள்ளதாலும், விமான எஞ்சின்கள் பாதிப்படையும் என்பதினாலும் சுரபயா,சோலோ மற்றும் ஜோக்யகர்டா ஆகிய மூன்று நகரங்களிலும் உள்ள விமான நிலையங்கள் மூடப்பட்டுள்ளதாக போக்குவரத்து அமைச்சக செய்தித் தொடர்பாளர் பம்பங் எர்வன் தெரிவித்துள்ளார்.



எரிமலை வெடிப்பு ஏற்பட்ட பகுதியிலிருந்து 2.7 கிலோ மீட்டர் தொலைவில் உள்ள சுகமெரியா கிராமத்தின் சாலையோரத்தில் சாம்பல்களால் மூடப்பட்ட உடல்கள் கிடந்ததாகத் தகவல்கள் தெரிவிக்கின்றன. 16 பேரின் உடல்களும் அடையாளம் காணப்பட்டன. சிறுவர்கள் 5 பேரும் எரிமலையை வேடிக்கை பார்க்கச் சென்றபோது அதில் சிக்கிக் கொண்டது தெரிய வந்துள்ளது.
விபத்தில் சிக்கிய 3 பேர் படுகாயமடைந்தனர். அவர்கள் மருத்துவமனையின் அவசர சிகிச்சைப் பிரிவில் சேர்க்கப்பட்டுள்ளனர்.

""இந்த எரிமலைச் சீற்றத்தில் மேலும் பலர் உயிரிழந்திருக்க வாய்ப்புள்ளது. எரிமலைக்கு அருகில் உள்ள பாதைகளில் அதிக அளவு வெப்பம் கொண்ட சாம்பல்கள் பரவிக் கிடப்பதால் மீட்புப் பணி பாதிக்கப்பட்டுள்ளது'' என்று தேசிய பேரிடர் மீட்பு அமைப்பின் செய்தித் தொடர்பாளர் நக்ரோஹோ தெரிவித்தார். இது, இந்தோனேசியாவில் சமீபத்தில் நிகழ்ந்த எரிமலைச் சீற்றங்களில் மிகவும் பயங்கரமானது என்று அரசு அதிகாரிகள் தெரிவிக்கின்றனர்.




 

கொழும்பு பெரிய ஆஸ்பத்திரியில் அமைச்சர் பௌசியினால்  புனர் நிர்மாணம் செய்யப்பட்ட பின்னர் திறந்து வைக்கப்பட்ட   தொழுகை அறை பெளத்த தேரர் தலைமையிலான இனவாத சக்திகளினால் உடனடியாக இழுத்து மூடப்பட்டுள்ளதுடன் அதன் முகப்பும் உடைக்கப் படுவதாக தகவல்கள் குறிப்பிடுகிறது . 1994  ஆம் ஆண்டில் முதல் தடைவையாக இயங்க தொடங்கியுள்ளது என்பது சுட்டிக்காட்டத் தக்கது .

மிருக வதையை உடனடியாக நிறுத்துமாறுகோரி சிங்கள ராவய அமைப்பு ஏற்பாடு செய்திருந்த ஆர்ப்பாட்ட பேரணி இன்று மாலை திஹாரிய நகரை வந்தடைந்தது.

இதன் போது கொழும்பு கண்டி பிரதான வீதியில் பொலிஸ் பாதுகாப்பு பலப்படுத்தப்பட்டிருந்த்ததை அவதானிக்க முடிந்தது.
கடந்த த 9ம் திகதி காலை கண்டி ஸ்ரீ தலதா மாளிகைக்கு முன்னாலிருந்து ஆரம்பமான இப்பேரணி எதிர்வரும் 16 ஆம் திகதி கொழும்பு ஜனாதிபதி மாளிகையைச் சென்றடையவுள்ளது.

இன்னும் ஒரு வார காலத்தினுள் மாடறுப்பு நிறுத்தப்பட வேண்டும். அவ்வாறு இல்லாத பட்சத்தில் இன்னும் பல உயிர்த் தியாகங்களை எதிர்க்கொள்ள வேண்டி வரும் எனவும் அந்த அமைப்பு தெரிவித்துள்ளது.

கடும்போக்கு பெளத்த அமைப்புக்களில் ஒன்றான சிங்கள ராவய அமைப்புக்கு இலங்கையின் எந்தப் பாகத்திலும் போராட்டங்களை நடத்தக் கூடாது என நீதிமன்றம் உத்தரவிட்டுள்ள நிலையில் இந்த ஆர்ப்பாட்டம் நடைபெற்று வருகின்றமை குறிப்பிடத்தக்கது.



திகாரிநியுஸ்.