கஹடோவிட

எமது கஹட்டோவிடாவின் பக்கத்துக் கிராமத்தில் கடந்த சில நாட்களுக்கு முன்னர் நடைபெற்ற ஒரு நிகழ்வு முஸ்லிம்களாகிய எம்மை அதிர்ச்சியடைய வைத்த அதே நேரம் சற்று சிந்திக்கவும் செய்தது. .
பல வருடங்களாகப் பொருளாதார நெருக்கடியால் கஷ்டப்பட்டு வாழ்க்கை நடாத்தி வந்த ஒரு குடும்பம் திடீரென கிறிஸ்தவ மதத்தைத் தழுவ முற்பட்டதே அந்நிகழ்வாகும். எனினும் ஒரு சிறந்த இஸ்லாமிய இயக்கத்தின் துரித நடவடிக்கையினால் இக்குடும்பத்தினரின் ஈமான் பாதுகாக்கப்பட்டது. அல்ஹம்துலில்லாஹ். இம்முயற்சியினால் எமது அனைவரினதும் ஒரு பொறுப்பு நீங்கியது எனலாம்.அவர்களுக்கு அல்லாஹ் அருள்பாளிப்பானாக!

இச்சம்பவம் எமக்குணர்த்தும் பாடம்தான் என்ன? வறுமையில் வாடும் இதுபோன்ற பல குடும்பங்கள் சமூகத்தில் இருக்கத்தான் செய்கின்றன. எனினும் இவர்கள் பற்றி யாரும் அலட்டிக் கொள்வதே கிடையாது என்பது கவலைக்குறிய ஒரு விடயமாகும். வருடந்தோறும் பல உம்றாக்களையும் பல ஹஜ்களையும் நிறைவேற்றும் தனவந்தர்கள் தமத பொருளாததரத்தை இதுபோன்றவர்களின் நலன்புரிகளிற்கு செலவிட்டால்தான் என்ன? எமது சமூகத்திலுள்ள தனவந்தர்களையும் வழிநடாத்த சமூகப்பற்றுள்ள ஒரு புத்தி ஜீவிகள் அமைப்பு அவசியமானது என்பதை இவை எமக்கு உணர்த்தகின்றன. காலப் போக்கில் இந்நிலைமை மாற்றியமைக்கப்படாவி்ட்டால் இது போன்ற நிகழ்வுகள் எமதூரிலும் நடைபெறும் என்பதில் ஆச்சரியப்பட ஒன்றுமில்லை. எமதூரின் பள்ளிவாசல்கள் தமது அங்கத்தவர்கள் விடயத்தில் மிகக் கவணமெடுத்து அவர்களின் நலன்புரியில் அக்கறை செலுத்த வேண்டும் என்பதே எமது கருத்தாகும்.

 சமீபத்தில் நடைபெற்ற மாகாண மட்டங்களுக்கிடையிலான கணிதப் போட்டியில் கஹடோவிட மகளிர் கல்லூரி மூன்று முதலிடங்களைப் பெற்று அகில இலங்கை ரீதியாக நடைபெற இருக்கும் தேசிய கணிதப் போட்டிக்குத் தெரிவாகியுள்ளது. மேற்படி சாதனைகளைப் புரிந்து பாடசாலைக்கும் ஊருக்கும் பெருமை தேடித்தந்த சகோதடிகளான; எம்.ஏ.எப். பஹ்ஜத்(தரம் 6), எம்.எஸ்.எப். ஸமீரா (தரம் 9), ஏ.ஆர்.எப். மித்ஹா (தரம் 10) ஆகியோரை நாம் மனதார வாழ்த்துகிறோம்.