எமது ஊர் வாலிபர்களின் மைதான கனவு நனவாகுமா??
எமது ஊருக்கு
விளையாட்டு மைதானம் ஒன்றைப் பெற்றுக்கொள்ள
வேண்டும் என்ற நோக்கத்திற்காக கடந்த சனிக்கிழமை இரவு கஹடோவிட அல்பத்ரியா மஹாவித்தியாலயத்தில்
ஒரு பொதுக்கூட்டம் நடைபெற்றது. விளையாட்டில் ஆர்வமுள்ள இளைஞா்கள் சிலரின் முயற்சியால் கூட்டப்பட்ட இக்கூட்டம் எம் இளைஞர்களின் விளையாட்டு
ஆர்வத்தை பிரதிபலிப்பதோடு மாத்திரம் அல்லாது அதற்காக அவர்கள் படும் இன்னல்களையும் அக்கூட்டத்தில்
கலந்துகொண்டவர்களுடன் பகிர்ந்துகொண்டமையை கானக்கூடியதாக இருந்தது.
மைதானம் ஒன்றைப்
பெற்றுக்கொள்வதற்காக கூட்டப்பட்ட இக்கூட்டம்
எமது ஊர் வரலாற்றில் 50 வருடங்களை கடந்திருப்பதை எமது ஊரின் வரலாற்றைப் பாா்த்தால்
அறிந்துகொள்ளலாம். 50 வருடங்களாக முயற்சித்தும்
கிடைக்காத மைதானம் தற்போதும் கிடைக்காமல் போனால்
எதிர்வரும் காலங்களில் மைதானம் பெறுவதென்பது சாத்தியமான விடயமன்று. அப்படி பெற்றுக்கொள்ளும்
சாத்தியம் ஏற்பட்டாலும் எமது ஊருக்குள் இடம் கிடைப்பதென்பது கடினமான விடயமே!
சபையோருடனான
கலந்துரையாடிலில் போது பல ஆரோக்கியமான கருத்துக்கள் முன்வைக்கப்பட்டன. இளைஞர்களின்
ஆர்வமிகுதியால் கூட்டப்பட்ட இக்கூட்டத்தில் எந்த வித வேலைதிட்டங்களும் முறையாக வைக்கப்படவில்லை
என்ற ஆதங்கத்தை ஊர் மக்களிடமும் காணக்கூடியதாக இருந்தது. முறையான நெரிப்படுத்தலுடன் எமது ஊரின் சமூகசேவைகள்,
நலன்விரும்பிகளினால் ஒரு திட்டம் இவர்களிடம் வைக்கப்பட்டால், இந்தவிடயம் விரைவில் சத்தியமாகக்
கூடிய வாய்ப்பிக்கள் இருக்கின்றன.
எனவே எமது இளைஞா்களால்
முன்னெடுக்கப்பட்டுள்ள இம்முயற்சிக்கு ஊரின் சகலரும் தமது பூரண ஒத்துழைப்பை வழங்கி,
இவர்களின் முயற்சி வெற்றிபெற. எல்லாம் வள்ள இறைவனிடம் பிரார்த்திப்போம்.
0 comments:
Post a Comment