கஹடோவிட

பாலஸ்தீன் மீதான இஸ்ரேலியத் தாக்குதலைக் கண்டித்து இன்று கொழும்பில் பாரிய எதிர்ப்பு ஆர்ப்பாட்டம் ஒன்று முன்னெடுக்கப்பட்டது.

 பாலஸ்தீன நட்புறவுப் பேரவையின் ஏற்பாட்டில் இடம்பெற்ற இந்த மாபெரும் ஆர்ப்பாட்டப் பேரணி இன்று பிற்பகல் கொழும்பு தேவடகஹா பள்ளிவாசலின் முன்னால் ஜும்ஆத் தொழுகையைத் தொடர்ந்து ஆரம்பமானது.

 இந்த ஆர்ப்பாட்டப் பேரணியில் கட்சி பேதம் பாராது முஸ்லிம் பாராளுமன்ற உறுப்பினர்கள், மாகாண சபை உறுப்பினர்கள் உட்பட பெரும் திரளான பொதுமக்கள் கலந்துகொண்டனர்.

 இதன்போது பாலஸ்தீன் மீதான இஸ்ரேலின் கண்மூடித்தனமான தாக்குதலை கண்டித்த ஆர்ப்பாட்டக்காரர்கள், காஸா மீதான தாக்குதலுக்கு உதவி வழங்கும் நாடுகளுக்கும் தமது கண்டனங்களை தெரிவித்தனர்.

 காஸா மீது கடந்த 11 நாட்களாக தொடர் வான் தாக்குதல்களை மேற்கொண்டு வந்த இஸ்ரேல் நேற்று முதல் தரைமார்க்கமான தாக்குதல்களை ஆரம்பித்துள்ளது. இத்தாக்குதலில் இதுவரை 259 பேர் உயிரிழந்துள்ளனர். இதில் 39 சிறுவர்களும் அடங்குகின்றனர். சுமார் 1900 இற்கும் மேற்பட்டவர்கள் பலத்த காயங்களுக்கு உள்ளகியுள்ளமை குறிப்பிடத்தக்கது.

 இதேவேளை குறித்த தாக்குதல்களில் இஸ்ரேலின் ஒரு இராணுவ வீரர் கொல்லப்பட்டுள்ளதுடன், இருவர் காயமடைந்துள்ளனர். 

dailyceylon