கஹடோவிட

கடந்த வருடத்தைப் போல் இம்முறையும்  அல் பத்ரியா மகா வித்தியாலயத்தில் 2011ஆம் ஆண்டுக்கான அப்பியாசக் கொப்பிகளை மலிவு விலையில் விற்பனை செய்யும் வேலைத் திட்டம் 2010.12.26 ஆம் திகதி பி.ப. 4.00 மணியளவல் வெகு விமரிசையாக ஆரம்பித்து வைக்கப்பட்டது. 26 மற்றும் 27 ஆம் திகதிகளிலும் நடைபெற ஏற்பாடு

செய்யப்பட்டிருக்கிறது.

பாடசாலை அதிபர் மற்றும் ஆசிரியர்கள்; பாடசாலை அபிவிருத்திச் சங்கம் மற்றும் பத்ரியா நலன்புரிச்சங்க அங்கத்தவர்களுடன் இணைந்து ஏற்பாடு செய்துள்ள இந்த நிகழ்ச்சியின் மூலம் ஊர் மக்கள் பெரு நன்மை அடைந்துள்ளனர். அப்பியாசக் கொப்பிகள் எங்கும் இல்லாத அளவு மலிவான விலையில் விற்கப்படுகின்றன.
பாடசாலை மாணவர்களுக்குத் தேவையான ஏனைய உபகரணங்களும் புத்தகப் பை மற்றும் நூல்களும் விற்பனைக்கு வைக்கப்பட்டிருப்பது வசதியானக உள்ளதாக பொது மக்கள் தெரிவித்தனர்.
மேலும் ஒரேயடியாக முழுப்பணத்தையும் செலுத்தி அப்பியாசக் கொப்பிகளை வாங்க முடியாதளவு பொருளாதார வசதி அற்றவர்களுக்கு கடன் அடிப்படையிலும் வாங்க ஏற்பாடுகள் செய்யப்பட்டுள்ளன.