Breaking News இளைஞர்களின் முன்மாதிரி (எங்கே வழிநடாத்தவேண்டிய பள்ளி நிறுவாகங்கள்????)
(நபியே!) மதுபானத்தையும், சூதாட்டத்தையும் பற்றி அவர்கள் உம்மிடம் கேட்கின்றனர்; நீர் கூறும்; “அவ்விரண்டிலும் பெரும் பாவம் இருக்கிறது; மனிதர்களுக்கு (அவற்றில் சில) பலன்களுமுண்டு; ஆனால் அவ்விரண்டிலும் உள்ள பாவம் அவ்விரண்டிலும் உள்ள பலனைவிடப் பெரிது. (அல்குர்ஆன் 2: 219)
எமது ஊர் விளையாட்டு
மைதானத்தில் வழமைபோன்று இன்று நடக்கவிருந்த கிரிகட் கிண்ணச் சுற்றுப்போட்டி தடைப்படும்
போன்ற அறிகுறிகள் தென்படுகின்றன.
சூதாட்டம் (Gambling)
என்பது, பணம் அல்லது வேறு பெறுமதியான பொருட்களைப்
பணயமாக வைத்து ஆடுகின்ற, நிச்சயமற்ற
விளைவைக் கொடுக்கக்கூடிய ஒரு விளையாட்டு வகை ஆகும். இதன் அடிப்படை நோக்கம் பணயமாக
வைக்கப்பட்ட பணம் அல்லது பொருளிலும் கூடிய பெறுமதியான பணத்தையோ, பொருளையோ அடைவதாகும். பொதுவாக இதன்
பெறுபேற்றைக் குறுகிய காலத்துக்குள் அறியக்கூடியதாக இருக்கும். சில நாடுகளில்
சூதாட்டம் சட்டத்தால் தடை செய்யப்பட்டுள்ளது. வேறு சில நாடுகள் இதனைக்
கட்டுப்பாட்டுடன் அனுமதிக்கின்றன.
பல சமூகங்களில்
சூது ஒரு தீய பழக்கமாகவும், விலக்கி
வைக்கவேண்டிய ஒன்றாகவும் கொள்ளப்படுகின்றது. கத்தோலிக்க, யூத மரபுகளில் சூதாட்டத்துக்காக குறிப்பிட்ட
நாட்களை ஒதுக்கும் வழக்கம் இருந்தது. ஆனால் அவர்களுடைய மதங்கள் சூதாட்டத்தை
ஏற்றுக்கொள்வதில்லை. சூதாட்டத்தினால் விரும்பத்தகாத பல சமூக விளைவுகள்
ஏற்படுகின்றன..
ஊர் மைதானத்தை
பரிபாலித்துக்கொண்டிருக்கும் எமது இளைஞர்கள் சிலர் ஒன்று கூடி ”இதன் பிறகு கழகங்களிடமிருந்து வசூலித்து
சுற்றுப் போட்டி வைக்கப்படாது” என்று முன்மொழிவு
செய்திருக்கிறார்களாம். இந்தவிடயம் உண்மையாக இருந்தால் இதற்கு எமது ஊர்மக்களாகிய நாம்
புரண ஒத்துளைப்பு கொடுக்க வேண்டிய அதேவேளை ஊரை வழிநடாத்தக்கூடிய
பள்ளிவாசல் பரிபாலன சபைகள் கண்டிப்பாக இந்த சூதாட்டத்தை நிறுத்துவதற்கு
ஒத்துளைக்கவேண்டும்.
ஒவ்வொரு கழகத்திடம்
இருந்தும் பணம் வசூலித்து அதன்மூலம் வெற்றி பெறுகின்ற அணிக்கு பணமாக இல்லாமல்
கிண்ணங்கள் வாங்கிக் கொடுப்பது ஒரு தெளிவான சூது என்ற அடிப்படையில் . இப்போழுது ACE, JF, Sun Rise விளையாடுக் கழங்கள்
விளையாடுவது சந்தேகம் என தகவல்கள் அறியக்கிடைக்கின்றன.
ஈமான் கொண்டோரே!
மதுபானமும், சூதாட்டமும், கற்சிலைகளை வழிபடுதலும், அம்புகள் எறிந்து குறி
கேட்பதும், ஷைத்தானின் அருவருக்கத்தக்க செயல்களில் உள்ளவையாகும்; ஆகவே நீங்கள் இவற்றைத் தவிர்த்து கொள்ளுங்கள் – அதனால் நீங்கள் வெற்றியடைவீர்கள். (அல்குர்ஆன் 5:90)
நிச்சயமாக ஷைத்தான் விரும்புவதெல்லாம், மதுபானத்தைக் கொண்டும், சூதாட்டத்தைக் கொண்டும், உங்களிடையே பகமையையும், வெறுப்பையும் உண்டு பண்ணி
அல்லாஹ்வின் நினைவிலிருந்தும், தொழுகையிலிருந்தும்
உங்களைத் தடுத்து விடத்தான்; எனவே, அவற்றை விட்டும் நீங்கள் விலகிக் கொள்ள மாட்டீர்களா? (அல்குர்ஆன் 5:91)
(நபியே!) நிச்சயமாக நாம் மிகத் தெளிவான வசனங்களை உம்மீது இறக்கி
வைத்திருக்கிறோம்; பாவிகளைத் தவிர (வேறு எவரும்) அவற்றை நிராகரிக்க மாட்டார்கள். (அல்குர்ஆன் 2:99)
மக்களுக்கு ஒரு காலம் வரும் அக்காலத்தவர் தமது சம்பாத்தியம் ஹலாலானதா, ஹராமானதா, முறையானதா, முறையற்றதா என்பவனவற்றைப் பொருட்படுத்தாது இருப்பர் என நபி (ஸல்) அவர்கள் கூறினார்கள். அறிவிப்பவர்: அபூஹுரைரா (ரலி) நூல்: புகாரி
எனவே சகோதரர்களே! அல்லாஹ்வும் அவனது தூதரும் பெரும்பாவம் என எச்சரித்த இந்த
தடுக்கப்பட்ட செயலில் ஈடுபட்டுள்ள நமது சகோதரர்களுக்கு இதன் தீமைகள் பற்றி நயமாக
எடுத்துக்கூறி ஹராம், ஹலாலை பேணி நடக்கும் முஸ்லிம்களாக நாம் வாழ்வோமாக!
0 comments:
Post a Comment