கஹடோவிட

மௌலவி ஏ.ஜே.அப்துர் ரஊப் (மிஸ்பாஹி) தொடர்பாக பொது மக்களுக்கு காத்தான்குடி ஜம்இய்யதுல் உலமா, மற்றும்  பள்ளிவாயல்கள் முஸ்லிம் நிறுவனங்கள் சம்மேளனம் இணைந்து முக்கிய அறிவித்தல் ஒன்றை விடுத்துள்ளது.

அவ் அறிவித்தலில் குறிப்பிடப்பட்டுள்ளதாவது,

இந்த வகையில் இறுதியாக கடந்த 2007-08-30ம் திகதி அகில இலங்கை ஜம்இய்யதுல் உலமாவுக்கும், மௌலவி அப்துர் ரஊப் மிஸ்பாஹி அவர்களுக்குமிடையில் வஹ்ததுல் வுஜூத்’  கொள்கையை விட்டு நீங்குவது தொடர்பில் உடன்பாடு காணப்பட்டது.

அதில் மௌலவி அப்துர் ரஊப் அவர்கள் தான் கொண்டிருக்கும் எல்லாம் அவனே என்ற கொள்கை பிழையானது என்றும் இதன் பின்னர் வஹ்ததுல் வுஜூத்;;’   கொள்கையை எண்ணத்தாலோ,சொல்லாலோ, செயலாலோ, கொள்கையாக ஆக்கிக் கொள்ள மாட்டேன் என்றும் உடன்படிக்கை மூலம் தெரிவித்திருந்தார்.
இந்நிலையில் 2007ம் ஆண்டு அகில இலங்கை ஜம்இய்யதுல் உலமாவுக்கு அவர் வழங்கி இருந்த எழுத்து மூலமான உடன்படிக்கையை மீறும் வகையில் மௌலவி அப்துர் ரஊப் மிஸ்பாஹி மேற்படி கொள்ளை சம்மந்தமாக அண்மைக்காலமாக ஆற்றிவரும் உரைகள் மூலம் அறியக் கிடைக்கின்றது.
எனவே நாட்டின் தற்போதைய நிலைமைகளை கருத்திற்கொண்டு பொது மக்களாகிய நீங்கள் பொறுப்புணர்வுடனும், நிதானத்துடனும் நடந்து கொள்ளுமாறு அன்புடன் கேட்டுக் கொள்கின்றோம் என அவ் அறிவித்தலில் மேலும் குறிப்பிடப்பட்டுள்ளது.

அதன் பிரதி வாசகர்களுக்காக இங்கே பதிவேற்றப் படுகின்றது.

-பழுலுல்லாஹ் பர்ஹான்-