கஹடோவிட

2014ஆம் வருடத்திற்கான கஹட்டோவிட அல்பத்ரியா மஹா வித்தியாலயத்தின் இல்ல விளையாட்டுப் போட்டியின் இறுதிநாள் நிகழ்வுகள் நாளை 30.01.2014ஆம் திகதி மாலை 2.00 மணியிலிருந்து பாடசாலையின் மைதானத்தில் நடைபற ஏற்பாடாகியுள்ளது. வழமைபோன்று சம்ஸ், கமா் மற்றும் நஜ்ம் இல்லங்கள் களத்தில் போட்டி போட்டுக்கொண்டிருக்கின்றன. வழமைக்கு மாற்றமாக இம்முறை வளா்ந்த பெண்பிள்ளைகளுக்கான ஒரு சில போட்டி நிகழ்ச்சிகளும் நடைபெற்றமை குறிப்பிடத்தக்கது.

இதுவரை நடைபெற்ற போட்டிகளின்படி
நஜ்ம் இல்லம் 323 புள்ளிகளைப் பெற்று முதலாம் இடத்திலும்
சம்ஸ் இல்லம் 310 புள்ளிகளைப் பெற்று இரண்டாம் இடத்திலும்,
கமா் இல்லம் 301 புள்ளிகளைப் பெற்று மூன்றாம் இடத்திலும் காணப்படுகின்றது.

இல்லங்களிற்கு இடையிலான புள்ளி வித்தியாசங்கள் பாரியளவில் காணப்படாமையும் போட்டி நிகழ்வுகள் விறுவிறுப்பாக நடைபெறுவதை காட்டுகிறது.

மொத்தமாக 105 போட்டிகளைக் கொண்ட இவ்விளையாட்டுப் போட்டியில் 90 போட்டிகள் நிறைவுபெற்றுள்ளதுடன்  எஞ்சிய  15 போட்டிகள் இறுதிநாளாகிய நாளை நடைபெறவுள்ளது.